Boyeas

boyeas des djins

Les boyeas c' est ene longue buze, tote racafougneye, ki va do stoumak a l' anusse.

C' est la ki l' amagnî (et l' aboere) est ctaeyî a ptits féns bokets, ki passèt dins l' sonk.

Pårteyes des boyeas

Dins les biesses ås tetes et les oujheas, todi, les boyeas sont pårtis insi:

• li ptit boyea, lu-minme ripårtixhåve e troes bokets
  • li douwodenom
  • li djedjunom
  • l' ileyon
• li boigne boyea, ki n' est pus k' on brostion dins l' coir des djins mins ki pout esse araedjeymint grand dins des biesses k' i gn a (tchivås). Ås oujheas, il est dobe.
• li gros boyea la k' les crotes askepeynut, tchaeke sôre di biesse si cogne.
• li crås boyea, k' est ddja foû do peritoenne dins l' bassén et ki s' raloye e l' anusse.

Maladeyes des boyeas

• boylite (interite)
• trintchêyes (colikes, må d' vinte)
• viers des boyeas
• magnants mås

Les senes di ces maladeyes la

• schite
• må d' vinte
• resseraedje)
• trota (petaedje et vessaedje)

Uzaedjes des boyeas

El cråxhreye les boyeas siervèt a fé des tripes, des androuyes, do hatchisse, des såcisses et såcissons.

Ås magneus d' tchås, les boyeas, magnîs avou leu contnou, c' est leu mwaisse sourdant di vitamenes B.