Burtaegne

Èn årtike di Wikipedia.
Burtaegne
Bretagne (fr)
Breizh (br)
Brittany (en)
Drapea del Burtaegne Åres del Burtaegne
(Detays) (Detays)
Divize : Kentoc'h mervel eget bezañ saotret
Eplaeçmint di Xxxxx sol bole daegnrece
Lingaedjes francès, burton, galo
Sitindêye

 - Totåle

34.023 km²
Populåcion

 - Totåle (2005)
 - Dinsité

4.367.086 dimorants

127 djins/km²

Manoye Euro

Li Burtaegne ou Payis burton, c' est ene redjon del France.

Li Burtaegne bagne dins l' Mer Mantche et l' Oceyan Atlantike so tote si frontire coûtchantrece. Vizon vizu, houte di l' aiwe, vos avoz l' Grande Burtaegne.

Sol Levant, li Burtaegne s' astoke al Normandeye.

Po des linwincieusès racsegnes sol mot "Burtaegne", alez s' vey sol Wiccionaire

Istwere[candjî | candjî l’ côde wiki]

Pårtixhaedje djeyografike[candjî | candjî l’ côde wiki]

Dipårtumints[candjî | candjî l’ côde wiki]

Li Burtaegne comprind 5 dipårtumints :

Dizo-redjons[candjî | candjî l’ côde wiki]

Li Basse-Burtaegne c’ est l’ pårteye coûtchantrece do Payis burton, la k’ dins l’ tins on dessinéve les mapes djeyografikes avou l’ Ouwess al valêye eyet l’ Ess el copete. On cåze burton el Basse-Burtaegne, dabôrd k’ on djåze galo el Hôte-Burtaegne.

Plakes bilinwes[candjî | candjî l’ côde wiki]

C’ est e 1982, avou les lwès di dicintrålijhaedje, k’ on a veyou el France pol prumî côp des plakes e burton. Avou ces novelès lwès la, les dipårtumints ont l’ povwer so l’ etertinaedje des voyes dipårtumintåles et vont-st ataker a waitî d’ fé ene sacwè pol signalijhaedje bilinwe.

C’ est les dipårtumints des Côtes d’ Armor eyet do Finistère kel vont mete e-n ouve les prumîs, metous so pression pa les soces cultureles burtones. Les ôtes dipårtumints burtons vont shuve, sortot dins l’ Burtaegne burton-cåzante.

Plake bilinwe

Les plakes ratournêyes e burton sont-st aprume des cenes mostrant les direccions so les voyes et les plakes di nos d’ viyaedje a l’ intrêye des veyes et viyaedjes. Les troes cwårts do tins i sont metous e clintcheyès letes po kel lijhåvisté fouxhe meyeuse. Des côps, il eploynut ene fonte celtike.

On voet eto des plakes di rowes bilinwes, mins c’ est sorlon les comenes.

A costé d’ ça, on pout vey avou l’ tins ki gn a todi dipus d’ pitits paneas metous e burton tocosté. Metans : des fletches po les tourisses, ki n’ estént k’ e francès gn a dijh ans, atakèt asteure a esse rimetowes e burton.

Cåzu totes ces plakes la, såf des côps po les rowes ou hameas, sont scrîts e « peurunvan », li rfondou burton.[1]

Sourdants[candjî | candjî l’ côde wiki]

  1. Jean Cayron "Les plakes e burton so les voyes di Burtaegne" Li Rantoele l° 59, waeyén-tins 2011.
Commons
Commons
I gn a so les cmons Wikipedia des imådjes ou fitchîs son a vey avou l' Burtaegne .