El Gwira

Èn årtike di Wikipedia.
Potchî a: naiviaedje, cweri
Mape del Gwira, eneviè les pôzicions dins l' margaye do Sara coûtchantrece, e 2007

El Gwira u Li Gwira (espagnol La Güera, francès Lagouira, arabe الكويرة), c' est (u c' esteut) l' viyaedje li pus a Nonne do Sara coûtchantrece.

Il est metou sol dibout d' on cåzilea k' est pårti e deus, å mitan, pa ene lene di tchmin d' fier ki fwait limodje inte li Moritanreye eyet li Sara coûtchantrece. Li boket metou a l' Ess, c' est dal Moritanreye. Li boket metou a l' Ouwess, so l' Oceyan atlantike, c' est då Sara coûtchantrece.

Dabôrd, El Gwira rwaite Nwadibou.

Elle a stî ocupêye pa l' årmêye marokinne e 1975. Mins, di cåze des atakes do Polissario, i s' ont rsaetchî evoye e 1979. Li Moritanreye î a astalé docô ene brigåde, po waeranti l' veye di Nwadibou.

Dispu don, Li Gwira, c' est ene veye-espér. Gn a pus k' sacantès famile di pexheus k' î vicnut. Tot l' viyaedje est cåzu rascovrou di såvlon.

Li Marok continowe a rashire El Gwira dins ses comenes, mins li måjhon-comene est metowe a Daxhla, 600 km a Bijhe.

Hårdêye difoûtrinne[candjî]