Floreye Påke

Èn årtike di Wikipedia.
Li Djezus mousse e Djeruzaleme.
Pol discramiaedje des årtikes avou l' mot « Påke », loukîz cial.

Li Floreye Påke, c' est ene fiesse des Crustins k' atake les fiesses di Påke eyet l' poenneuse samwinne.

I rmimbere on passaedje di l' Evandjîle la k' Djezus-Cri mousse dins Djeruzalem et les djins l' riçuvèt come on triyonfeu, tot schoyant des coxheas d' olivî et d' påmîs.

Uzances el Walonreye[candjî | candjî l’ côde wiki]

Li rmimbrance di ces coxheas la, ki n' egzistèt nén el Walonreye, s' a fwait tot prindant les cis d' on bouxhon ki dmeure bén vete di l' ivier, et k' a stî rbatijhî "påkî".

Al floreye Påke, li curé mousse foû d' l' eglijhe (cwand c' est possibe), et beni les coxheas d' påkî, k' on lome eto påke u påkete.

Après messe ou d' l' après-nonne, on va påker (u rpåcter) les moirts, dj' ô bén elzî mete ene påke so leu fosse. On meteut eto on boket d' påkete so les bons-dius sol djivå.

Dinltins, on-z è meteut ossu dins les ståves, dins les tchamps, å gorea des tchvås, å vierna des bateas, ås tchetoeres et vos nd åroz. Dins les tchamps, on-z aléve ripåcter li speate, k' est l' pus timprowe des dinrêyes. Sovint, elle est ddja dijh, vint cintimetes hôte al Floreye Påke.

On rpåctéve eto les goreas des tchvås, les tombes al cimintire

Asteure, on mete cobén ene del påke dins les otos, po s' waeranti des accidints.

Poenneuse såjhon
Cwarmea

Octuwadjezeme.
Septuwadjezeme
Semdi del Secsadjezeme
Secsadjezeme
Samwinne do froumadje
Semdi del Cwincwadjezeme
Dimegne do cwarmea
Londi do cwarmea
Crås mårdi

Cwareme

Mercudi des cindes
Prumî semdi do cwareme
Prumî dimegne do cwareme.
Deujhinme dimegne do cwareme
Troejhinme dimegne do cwareme
Cwatrinme dimegne do cwareme
Mitan-cwareme
Cincwinme dimegne do cwareme
Semdi d' Lazåre

Poenneuse samwinne

Floreye Påke
Sint Londi
Sint Mårdi
Sint Mercudi
Blanc Djudi
Bon Vénrdi
Sint Semdi

Uzances foû del Walonreye[candjî | candjî l’ côde wiki]

E l' Espagne, dins bråmint des veyes, li floreye Påke si fwait avou on grand cortedje di djins blanc-moussîs, ki poitnut des coxhes di påmî. C' est li cmince di tot l' foclore del poenneuse samwinne, li semana sancta, foirt fiesti avårla.