Jean Bury

Jean Bury a skepyî a Lidje li 13 di djanvî 1867 ey a morou a Misterdam li 30 di djulete 1918. C' esteut-st on scrijheu e walon d' Lidje.

Dins ses scrijhaedjes il askepia bråmint d' noûmots, inte di zels, sapinse lu, zuvion.

Il amonta li soce di scrijheus La Wallonne e 1892, eyet manaedjî ene gazete e walon, l' Airdiè, ki parexha di 1892 disk' e 1894. Il aveut-st eto amonté des ôtes gazetes e walon : "Li lampion" eyet "Li spritche".

So ene vintinne d' anêyes, i scrît ene céncwantinne di pîces di teyåtes et ene dijhinne di ramexhnêyes di rimeas.

Di s' mestî, il esteut graveu so keuve. I fjha del rezistance tins del guere di 14, mins i dva peter evoye el Holande, la k' i dhota.

Hårdêye difoûtrinne

• Si vicåreye e francès (sol waibe del Walone)