Louis Loiseau
.jpg)
| Skepiaedje | 3 di may 1858, Mougnlêye |
|---|---|
| Moirt | 23 d' avri 1923, Icsele |
| Activités | scrijheu |
Louis Loiseau (riwalnijhåve Louwis Loujhea) a skepyî a Mougnlêye li 3 d' may e 1858, ey a morou a Icsele li 23 d' avri e 1923.
Il a stî relî dins l' Antolodjeye des powetes walons namurwès.
Di s' mestî, il esteut martchand a Brussele.
Ouve e walon[candjî | candjî l’ côde wiki]
C' esteut-st on scrijheu d' tchanson et arimés e walon. Il uzéve pacô do no d' pene "Jean Flâneur". Inte soçons, il esteut spoté "Gros Moxhon".
Si pus rlomêye tchanson, riprinjhe dins les plakes disk' å djoû d' ouy, c' est, sins manke "Li cariyon d' Sint-Åbwin. Il a ossu scrît Li vix clotchi d'Saint Djean mettue à musique pa F. Lhoneut.
Il a bouté ey esse directeur deus ans al Mårmite.
Il eplaida deus ramexhnêye d' arimés : "Fåves et tchansons walones" (1892), et "Echos du terroir" (1897).
E 1942, Robert Boxus ripubliya eshonne li shôtlêye d' arimés Fleurs di Mouze k' avént stî eplaidîs dins l' gazete "L' Arsouye" après l' guere di 14, et scrîts e 1913 & 1914.
Corwaitaedje di si ouve[candjî | candjî l’ côde wiki]
Ortografeye[candjî | candjî l’ côde wiki]
Loiseau scrît dins ene ortografeye di dvant l' sistinme Feller. Mins cisse-ciale est padecô pus près do rfondou ki l' Feller:
- pol betchfessî oi (minme sicrijha) : "doirmu" (doirmi)
- pol betchfessî oe (sicrijha oè) : dji "croès" (dji croe)
- pol betchfessî oen (sicrijha oin) : "moinner (moenner)
C' est kécfeye li lijhaedje di Louwis Loujhea dins si mwaisse ortografeye (k' i n' vola nén k' on candje dins l' Antolodjeye des powetes walons namurwès, k' a moenné Jean-Pierre Hiernaux a-z atåvler les betchfessîs oi et oe diviè 1987.
Hårdêyes difoûtrinnes[candjî | candjî l’ côde wiki]
- On tecse da sinne (e rfondou walon) (so l' Aberteke)
- Powinme a Mouze (e rfondou walon) (so l' Aberteke)
- Sacwants ôtes sicrijhaedjes (mwaisse modêye) (sol waibe "Li walon d' emon nozôtes")
Li Wiccionaire si rsieve di sacwantès fråzes da Louis Loiseau po-z enimådjî des mots k' i gn a.
Vos trouvroz des racsegnes so les ouves da Louis Loiseau, u les ouves zeles-minmes, so Wikisourd e walon.
