Lucienne Sarteau
Lucienne Sarteau, pus cnoxhowe so l' no d' pene di Fédora a skepyî li 20 di djun 1921 et mori e 2002.
C' esteut ene sicrijheuse e walon di powinmes po ls efants et po les grands et di sovnances. Ci fourit ene des prumirès femes a scrire e walon, e payis d' Tchålerwè.
Ses scrijhaedjes sont todi foirt tinrûles, et tot plins beas mots walons.
Ses prumîs arimeas ont stî eplaidîs dins des ramexhnêyes, so l' tite: "Cour di mame eyet ptit tchot" et "Poûssire et sintimints". Ses scrijhaedjes e proze fourît rashonnés dins "Racontaedjes et vicåreye d' ene viye matante", k' a rparexhou après plik plok dins l' Bourdon.
Des anêyes d' astok, elle a eto stî li scrijheuse d' adresses al mwin et l' plakeuse di timbes pol rivowe "El Bourdon". La eto, elle a rindou bon dvwer.
Si pa esteut houyeu, et s' loméve "Fedor", did la si no d' pene.Ele est rprinjhe dins l' antolodjeye Fleurs diyalectåles.
