N' alez nén dire k' i båre ! (powinmes)

N'alez nén dîre qu'i baure !

N' alez nén dire k' i båre ! (N'alez nén dîre qu'i baure !), c' est ene ramexhnêye d' arimés e walon da Émile Gilliard k' a vudî come limero especiå des Cayés walons, e fevrî 1981 (lº 2). C' est ç' live la k' a rçu l' Pris Georges Michaux (on pris del veye di Nameur) e 1980.

Li live a on dzo-tite : « Carmina Walonica I »

Djivêye des bokets

I gn a 18 powinmes dins l' ramexhnêye, sicrîts ou finis etur li 11 di måss 1979 et l' 4 di djanvî 1980. C' est å pus sovint del libe powezeye.

• Bondjoû, pa, libe powezeye, sicrîte li 12 d' avri 1979 po rinde bon dvwer å pere di l' oteur k' a morou l' 12 d' avri 1959
• Lès mwins di m' mame, ût-pîs avou des rimes, sicrîts li 2 d' avri 1979
• Discandje, libe powezeye sicrîte li 18 di måss 1979
• Djoû après djoû, libe powezeye sicrîte a Vinon, li 30 di djulete 1979
• On pougn ausplé, libe powezeye sicrîte li 24 di måss 1979
• Lès mârques di vosse visadje, libe powezeye d' inspiråcion crustinne, sicrîte li 4 di may 1979
• Po cénq´ djon.nias d'Espagne, libe powezeye d' inspiråcion politike, coridjeye li 11 di måss 1979
• Mèskène, libe powezeye sicrîte li prumî d' may 1979 ; c' est on powinme ki critike les ritches et ki rshonne ene miete å bokets d' Veas d' måss
• Lès mots, libe powezeye sicrîte li 3 d' may 1979
• Jusqu'aus-oûchas, libe powezeye, sins date
• Crèvaude, libe powezeye, sins date
• Èmacraladje, libe powezeye sicrîte li 2 d' may 1979
• Si vôy vol'tî, libe powezeye sicrîte li 5 di may 1975
• Vos potcheroz foû, libe powezeye sicrîte li 4 di djanvî 1980
• Come one soris, libe powezeye sicrîte li 18 di nôvimbe 1979
• Poqwè, libe powezeye coridjeye li 25 di måss 1979
• Monsieûs lès Sins-payis, on boket ki comele des erîlés arimés et del libe powezeye ; tote li prumire mitan est scrîte avou des shijh-pîs, epwis l' deujhinme mitan c' est des cwate-pîs, des shijh-pîs, des ût-pîs et on seu dijh-pîs (« di d'vu payî èt payî sins moti ») ; ci powinme la a stî scrît l' 20 di may 1979
• Lentin Furloke, libe powezeye sicrîte li 7 di may 1979 ; elle est dicåçtêye a Franz Dewandelaer

Corwaitaedje

Po cénq´ djon.nias d'Espagne, c' est onk des bokets les pus politikes da Gilliard. I cåze des cénk ovrîs touwés pal police å Payis basse li 3 d' måss 1976, di Jacques Georgin, moudri pa des mimbes d' ene troke di foite droete e 1970, et d' Pinochet. Sapinse l' edicion des Cayés walons, Gilliard a scrît l' prumire modêye di ç' powinme la e 1975, mins dandjreus k' l' oteur si brouye, paski les « cénk djonneas d' Espagne » n' estént nén co moirts a ç' moumint la.