Novelan
Èn årtike di Wikipedia.
Li novelan u novele anêye, c' est li cminçmint d' ene novele anêye, dins on metou calindrî.
Dins l' calindrî grigoryin, c' est l' prumî d' djanvî.
Dins les ôtes culteures, ça pout candjî, sorlon li prumî djoû di l' anêye del lune (novelan muzulman) ou do solea (novelans chinwès et djaponès).
Po des linwincieusès racsegnes sol mot "novelan", alez s' vey e splitchant motî.
[candjî] Dujhances del novelan el Walonreye
Dispu l' 20inme sieke, el Walonreye, li 31 di decimbe al shijhe, on-z î ratind meynute, come li djoû do Noyé. C' est l' rewoeyon d' novelan. A meynute petante, on s' rabresse tertos, et s' sohaiter ene boune anêye.
Li pus corante des formules, c' est :
- Boune anêye et totès sôres di bouneurs !. On respond :
- Et vos pareymint !
Li londmwin, li prumî d' djanvî, on va strumer les parints. On fwait des galetes di novelan. Les efants ricuvèt ene sitrume, u bounan.
[candjî] Dujhances estandårds dins les payis do Coûtchant
A meynute, on bouxhe les tchambes.
On si scrît eto des cwåtes di novelan. Mins, dispoy l' avnowe des emilreyes, ça a bråmint baxhî. On s' sohaite purade li novelan pa emile.
