Orobantche del djiniesse
(Redjiblé di Orobantche des djniesses)
| Orobantche del djiniesse | ||||||||||||
|---|---|---|---|---|---|---|---|---|---|---|---|---|
 crexhant so ene djiniesse, e l' Årdene | ||||||||||||
| Rindjmint sincieus | ||||||||||||
| ||||||||||||
| No e sincieus latén | ||||||||||||
| Orobanche rapum-genistae | ||||||||||||
L' orobantche del djiniesse (Orobanche rapum-genistae) c' est ene orobantche (plante parazite, sins clorofile), del famile des orobantchacêyes, 20 a 70 cm hôte.
Ele crexhe so les raecinêyes des djniesses et lzî sucî leu seuve po viker. Les foyes sont come des schayes. Les fleurs e påte, ont l' coleur del låme.
Li plante inme bén l' solea et florixh sol moes d' may et l' moes d' djun, åtoû del Pintcosse, djans.
Li tidje est roede, pus spesse al rexhowe di tere et casse come do vere. On l' rascontere e l' Årdene, mins nén tos costés (canton d' Djedene), eyet a ds ôtès plaeces e l' Urope.
Kékès plaeces avou di l' orobantche des djniesses el Walonreye
[candjî | candjî l’ côde wiki]- Såcere : å dzeu do terén d' fotbal et å "Gon des Sårteas".
- Moncea-e-l'-Årdene : sol tchimin des Tranlets.
- Al Foret.
- Graide : a Taman et al gåre di Graide, dé l' soyreye.
- Our-dilé-Ôpont
