Parkes

Les Parkes (latén Parcae, francès Parques), sorlomêyes les Efileuses, les Awiyeuses, les Destinauses, c' esteut troes toluwes del mitolodjeye rominne ki mwaistrixhént li destinêye di totes les djins et tos les tolus (diès et tchik et tchak), di leu skepiaedje a leu moirt.

Dj' ô bén ki les diès romins zels-minmes, et Djupiter avou, avént sogne des Parkes.

Les Efileuses sont lomêyes insi pask' ele sont rprezintêyes pa des fileuses di linne k' efilnut li vicåreye des djins.

dins les Belès letes e walon

Dins s' fåve "li tiesse et l' cawe del coloûte", Lafontinne cåze di zeles :

El coloûte a deus bokets
Nén amiståves po on nuket.
Tiesse et cawe, totes les deus,
Estént cnoxhowes come blanc leu
Adlé les Parkes, bôreatès båsheles
Ki, dins l’ tins, tot cåzant d’ zeles,
End ont yeu des bates

Et des disbates.

Hårdêye divintrinne

li Noere Mayane