José Schoovaerts

Èn årtike di Wikipedia.

(e 2000)

José Schoovaerts (e walon, Djozé, so les fyis, Djozéwal), c' est on waloneu k' a vnou å monde li 15 di djulete 1936 a Åjhô.

Dispu diviè 2000, il a scrît des tecses so totes sôres di sudjets e walon. Des ratournaedjes di Belès letes, di paskeyes erotikes, evnd.

Ses tecses n' ont waire sitî cossemés so papî : seulmint sacwants dins l' Rantoele gazete u co Coutcouloudjoû, eyet des bindes d' imådjes, come L' Avespré.

Il a purade sitî eplaidî, et s' publiyî lu-minme so cogne infôrmatike, sol Daegntoele, dins s' gazete Rabulets eyet des ptitès sayetes di romans eplaidîs so les fyis.

Di s' mestî, il esteut dessineu et spiroutî. Eto, i gåyote todi les pådjes di ses Rabulets avou des dessins et des bindes d' imådjes. Il a eto manké d' eplaidî so papî l' binde d' imådjes, "So l' Avespré".

Il a adjinçné les dessins del coviete del Rantoele gazete, di 2003 à 2005, tins k' i nd esteut l' adjinçneu. Il a rprins l' gorea e 2007.

Il a ratourné e walon et metou dizo l' cogne d' ene binde d' imådjes li scrijhaedje da Nietzsche "Insi djåzéve Zaratoustra". I n's'a nén djoké dissu c' coxhelà èt bén râde djouwer l' minme kinte à on bokèt do "Prince" da Machiavel.

Il est eto foirt fel po dire li sinne, todi e walon, so les foroms éndjolikes. Et shuvanmint, s' î vey waitî d' cresse pa des beas esprits nén foirt sints, et lu lzî sinte...

e 1955, avou s' camaeråde Flip Clay	e 1962, dins ene imådje da Roba	e 1970, todi dessiné pa Roba	avou Franquin et Morris, dins ene pådje do "César" dessinêye pa Tillieux
otoportrait pondou e 2002	e 2004

Ådvins

1 Corwaitaedje do walon et do stîle da J. Schoovaerts
2 Dierins ovraedjes
3 Hårdêye divintrinne
4 Hårdêyes difoûtrinnes

[candjî] Corwaitaedje do walon et do stîle da J. Schoovaerts

Djozé eploye on walon ki rprind des mots di totes les coines del Walonreye, et avou on cmaxhî sistinme di scrijhaedje. Si rclame-t i bén hôt dins s' gazete "Rabulèts"

"I n' vos fåt nén ewaerer, on (= dji) comele et maxhe todi les modêyes di scrijhaedje".

Dins ses tecses, li Djozé djowe avou les mots, avou leus sins et leus cognes. I screye eto voltî so des sudjets erotikes ou d' actouwålité. I n' est nén nareus do dire li sinne so les soces waloneuses. Sins peu d' hagnî, i scrît des sacwès ki sketnut l' cåde des djermêyes di scrijheus e walon di dvant, et les tabous des pezants ki djouwnut les "mwaisses moenneus spepieus coridjeus".

[candjî] Dierins ovraedjes

"Li Novele Idole" (Insi djåzéve Zaratoustra), modêye del Rantoele 42

I voleut ovrer po ene sacwè et finixha pa-z awè s' sô d' bouter po ene sakî.

Mins po n' nén disparexhe à todi, e moes d' djulete 2006, il a renondé RABULèTS. I l' edåma pa ene novele binde d' imådjes ("Et l' niût s'a stindou") k' on-z î pout, avou ene miete di boune volté, ricnoxhe å ddins ene pougneye di djins del Walonreye d' adon.

Bén seur, cisse novele saye la, tot come les cenes di dvant, a rade plonkî dins l' ombe et n' lyi rapoirter k' des mizeres di responses. Mågré tot, sins pont d' ecoraedjemint, i s' a co rdåré dins ses papîs et redåmer e moes d' setimbe 2006 ene shûte lomêye "L' Avesprêye tcheyowe, i fwait tot noer".

Dierinne imådje di "Machiavelisse", parexhou divins Li Rantoele l° 44, e l' ivier 2007-2008)

Fén 2006, i toirtcheye deus bindes d' imådjes so des tecses da Nietsche; "El novele idole" eyet "Li moirt k' est volontaire". Il askepeye eto ene rimouwante pitite sucete à l' après d' Choderlos d' Laclos "Tchåderlote". Dizo l' tite "Riskeus aloyaedjes", ele parexha, e coleurs, dins l' Rantoele 42. Pol Rantoele 44, i s' atake å ratournaedje e BD do live "Li Prince" da Machiavel.

E 2007, i s'a plonké dins on ovraedje di tos les diales : fé bodjî les imådjes di Noersipene ! Djanvî a fini k' il aveut "dedja" metou 54 moyalès sgondes dins l' boesse. Cwand on sondje k'i fåt 24 imådjes po ene sigonde di fime, on s' rind conte ki ça dmande do tins po divni Walt Disney. Todi èst-i, k' may fini, il avéve èmantchî 20 munutes (è coleûrs !) èt dèdjà sayî d' î djonde ène bèle muzike... A l' fén d' 2007, i n' èstéve nén co foû dèl bouye tapêye dissu s' tauve. Mins, è djulèt 2008, l' miråke vola k's'ènonde http://rabulets.blip.tv/ avou lès prumêrès èt co chaltantès sayes.

Et vo n' la-t i nén k' il a edåmé 2008 avou on ratournaedje e BD d' on tecse da Max Stirner. Et l' fini avou l' translataedje di tot l' "Tao tô king" da Lao-Tseu èt minme è mète ène fèle pougnîye dès "tuzaedjes" è imaedjes. A l' édaume di 2009, c' è-st-à Shakbar k' i s'a ataké èt, au prétins, à Descartes.

A l' édaume di 2009, c' è-st-à Shakbar k' i s'a ataké èt, au prétins, à Descartes.