Pont di dmande
Èn årtike di Wikipedia.
Li pont di dmande, c' est on sene di pontiaedje k' on mete å coron d' ene fråze di dmande.
I s' sicrît "?", avou, å pus sovint, èn espåce divant.
- Cwè çk’ i putin dse merde va te faire foutre pdi feye ki m’ voleut rescontrer ! [1]
Des côps, po bouxhî sol clå, on eploye troes ponts di dmande onk dirî l' ôte :
- Kî k’ c’ est l’ laid veråt k’ a stî stitchî ça la ??? [2]
Udonbén, cwand li kesse va avou on sbarmint, on mete onk dilé l' ôte on pont di dmande et on pont di sclameure :
- Kimint, diale, pout on pretinde ki l' holandès soeye nosse langue nåcionåle !? [3]
- Vos, èm vî cama ? Eyu avoz stî cweri ça !? [4]
[candjî] Dins les ôtes lingaedjes
Li pont di dmande si scrît parey k' e walon ins tos les lingaedjes k' eploynut l' alfabet latén.
Portant, e l' espagnol on ndè mete deus : onk a l' intrêye del fråze, li cou å hôt, et onk a l' edroet å coron del fråze.
- ¿Cuántos años tienes? (Kéne ådje ass ?)
Il a stî eto epronté pa des lingaedjes avou des ôtes alfabets come l' arabe. Mins, come di djusse, i s' mete a hintche, a l' evier, paski c' est la l' coron del fråze :
- متى تذهب إلى العمل؟ (Cwand çki t' èvas bouter ?)
[candjî] Sourdants & pî-notes
- ↑ Lucien Somme divins " L' anêye des cwate soleas (roman)" p. 92.
- ↑ Li Rantoele (gazete) l° 47 (waeyén-tins 2008), p. 4.
- ↑ C.N. Simonon divins "Li langue nåcionåle".
- ↑ Julos Beaucarne divins "Metoz do walon dins vosse djowbok".
