Royåle osmonde

Èn årtike di Wikipedia.
Potchî a: naiviaedje, cweri
Royal Fern
OsmundaRegalis.jpg
Osmunda regalis
Classifiaedje syintifike
Ringne: Plantae
Ecoxhmint: Pteridophyta
Classe: Pteridopsida
Ôre: Osmundales
Famile: Osmundaceae
Djinre: Osmunda
No e sincieus latén
Osmunda regalis
L.

Li royåle osmonde (Osmunda regalis) est ene grande fetchire del famile des osmondacêyes, ki poite ses grinnes seulmint so kékes foyes. Gn a telmint di grinnes colêyes ene a l' ôte ki l' foye ni sait s' diswalper come les foyes ki n' sont nén fertiles. Ces grinnes la sont dabôrd vetes, pwis brunixhèt avou l' timp, çou ki li dene a l' osmonde l' aparance d' esse floreye.

Elle crexhe dins les fagnes di sôre atlantike, foirt frexhes et foirt acides. Ele ni si spåde waire et ridjete todi so leye-minme, çou ki fwait, å dbout di kékes siekes, ki les fetchires setcheyes tos ls ans, fijhèt des touradons assez hôts.

Sipårdaedje[candjî]

On l' ritrove ene miete tot avå e l' Urope, l' Azeye eyet l' Amerike bijhrece.

Mins el Walonreye, li "royåle osmonde" est des pus råles. On nel trove ki sol site del Croes-Schaye, dilé Djedene. Les touradons s' î elevèt di 80 cm a on mete, et li fetchire leye-minme fijhant on bon mete, on si rind conte do spectåke k' ele riprezinte.

Commons
I gn a so les cmons Wikipedia des imådjes ou fitchîs son a vey avou les royålès osmondes .