Sistinme solrece

Èn årtike di Wikipedia.
Potchî a: naiviaedje, cweri

Li sistinme solrece comprind l' Solea eyet les ôtes coirs cîryins aloyîs a lu pal gravitåcion: les ût boles avou leu cint swessante deus lunes (kinoxhowes pol djoû d' oûy), troes nintès boles eyet leus cwate lunes (kinoxhowes pol djoû d' oûy) eyet co des miyårds d' ôtes coirs pus ptits (des coirs del cingue da Kuiper, des stoeles a cowe, del poussire, evnd.)

Tot nd alant del mitan a l' ådfoû, on trove li Solea, les cwate divintrinnès boles (Mierkeure, Venusse, Tere, Måss), ene cingue d' asteroyides, les cwate boles gåzreces (Djupiter, Satûne, Uranusse, Neptune u Nûton), ene deujhinme cingue d' asteroyides (lomêye li cingue da Kuiper). Houte del cingue da Kuiper, gn a co des nintès planetes (Pluton, lontins rwaiteye come ene veure bole, Ceres, Eriss et seur co ds ôtes nén co veyowes), l' éliopoize eyet li nûlêye d' Oort.

Nosse sistinme solrece si trove dins l' galacseye del Voye sint Djåke, k' est a pô près 100.000 anêyes loumire lådje et k' on-z î trove a pô près 200 miyårds di stoeles. Nosse sistinme si trove dins onk des dfoûtrins bresses del galacseye (li bresse d' Orion).

On dit a feyes "sistinme solrece" po des sistinmes k' ont come aisse ene ôte sitoele kel solea.


Sistinme solrece
Solea | Mierkeure | Venusse | Tere | Måss | Djupiter | Satûne | Uranusse | Nûton - Pluton - Cometes