Taywane

Taywane (on djheut davance Formôze, oficirmint: Republike di Chine), c' est on dislaxhî payis d' Azeye.

Taywane
Drapea	Åres nåcionåles
Imne nåcionå: hymne national de la République de Chine
Mwaisse-veye	Taipei
Sitindêye • totåle • aiwe	36 193 km² 2.8%
Populåcion • totåle • dinsité	23,593,794 dimorants 651.9 djins/km²
Dislaxhaedje	1 djanvî 1912
Tchîf d' estat	Tsai Ing-wen
Prumî minisse	Chen Chien-jen
Manoye	nouveau dollar de Taïwan
Coisse d' eure	UTC+08:00, Asie/Taïpei, heure de Taïwan
Preficse telefonike	+886
Dominne internete	.tw
I gn a so les cmons Wikipedia des imådjes ou fitchîs son a vey avou Taywane

Mwaissès dnêyes

Sitindêye: on pô moens ki 39.000 km2.

Mwaisse veye: Taypey

Redjime politike : Republike å pårlumint; c' est l' pårlumint ki relît l' prezidint.

Lingaedje : mandarin (lingaedje sovint lomé flotchreçmint : chinwès, k' est l' no del pitite famile).

Rilidjons : boudisse et tawoyisse

Djeyografeye

C' est ene grande iye metowe å lådje del Chine. Elle fwait pårteye do tchaplet d' iyes ki s' disfirlotchèt tot do long do Coûtchant di l' Azeye (come li Djapon).

Elle est côpêye sol longueur pa des hôts tienes (k' avegnnut a cåzu 4000 m). Å Levant, gn a ene lådje plinne avou des couteures (aprume do riz). Å Coûtchant, li montinne tome pus roedmint sol mer, a môde di falijhe. Li baxheur si porshût dins l' aiwe pa ene fonde fosse do Påjhûle Oceyan.

Istwere

Elle a stî ocupêye å cmince pa des Malès (end a co 200.000).

Po l' Istwere, elle a stî trovêye e 1590 pa on naivieu portuguès.

Les peuplåcions chiwesses n' î ebaguît k' e 17inme sieke.

E 1693, elle divna colneye del Mandchoureye.

E 1860, l' iye pola fé handele avou les payis d' Urope (traitî d' Tien-Tsine).

E 1894, c' est les Djaponès k' abrokèt dins l' iye, et l' anecser. Ele ni ridivna chinwesse k' e 1945, a cåze del dobleure ki l' Djapon ourit e l' deujhinme guere daegnrece.

E 1949, Tchang Kayi-Tchek, li tchîf des nåcionålisses chinwès, î trova on ratrait, cwand i fourit tchessî do continint pa les comunisses. Did la, el wårdaedje do no oficir di «Republike di Chine». Mins ele diva leyî s' sidje a l' ONU al Chine comunisse e 1971.