Tchinne-lidje

Èn årtike di Wikipedia.
Potchî a: naiviaedje, cweri
Tchinne-lidje
bea tchinne-lidje, djusse pelè, e Grand Bwès del Maamora (Marok)
Classifiaedje syintifike
Ringne: Plante
Ecoxhmint: Magnoliophyta
Classe: Magnoliopsida
Ôre: Fagales
Famile: Fagaceae
Indje: Tchinne (Quercus)
Espece: Tchinne-lidje (Q. suber)

Li tchinne-lidje, c' est ene sôre di tchinne ki vént dins les payis del Mîtrinne Mer. On lyi pele si schoice djus, cwand il a ddja bén crexhou, po fé do lidje.

Li tchinne-lidje, cwand il a stî pelé, ni creve nén (årvier do tchinne). Eto, on pout rpeler les minmes åbes après ene dijhinne d' anêyes.

No d' l' indje e sincieus latén : Quercus suber

Wiktionary-logo.svg

Po des linwincieusès racsegnes sol mot "tchinne-lidje", alez s' vey sol Wiccionaire

ombion d' on tchinne-lidje

Manaedjmint des suberoes[candjî]

Les bwès d' tchinne-lidje si lomnut suberoes. Les suberoes leynut crexhe mwints bouxhons. Mins, si on n' vout nén k' i gn åye des feus d' bwès, i våt mî k' i gn åye do bisteu po paxhe divins.

E sacwantès plaeces e l' Andalouzeye, on-z a leyî sacwants tchinnes-lidjes dins les tchamps d' olivîs, come sovnance des ancyins grands bwès. Mins ces-cial ni sont pus schoircîs.

E Marok, dins les suberoes, gn a toplin des biesses ki vnèt paxhî. Les bedots et les gades espaitchnut les ptits tchinnes di crexhe. Gn a eto bråmint des dmorants des viyaejdes djondant ki vnèt côper des coxhes, po fé des pås u po s' tchåfer. Eto, gn a bråmint des åbes, tot scoxhîs, ki crevèt come (Grand bwès del Maamora).