Teyåte

Èn årtike di Wikipedia.
Potchî a: naiviaedje, cweri

Li teyåte, c' est on djeu di persounaedjes ki djhèt l' tecse d' ene pîce di teyåte, å pus sovint dins ene såle di teyåte.

Sol sinne, on-z a stampé des decôrs.

Les cenes et les cis ki djouwnut des roles sont lomés les acteurs u les comedyins (on dit eto, tot biesmint, les djouweus d' role).

Cwand ces acteurs la djouwnut todi eshonne, i s' assoçnèt voltî et monter ene dramatike. Po s' end ocuper, on lome on redjixheu.

Li movmint des acteurs sol sinne est acvierné på mwaisse del djowe.

Li prumî côp k' on djowe ene pîce ki vént d' esse sicrîte, ça s' lome li creyåcion.

Gn a eto des ôtès ovraedjes po-z adiercî ene pîce di teyåte : les repetaedjes, li shoflaedje, les fjhaedjes di bruts et l' metaedje des loumires.

Onk (ene) ki scrît des pîces, k' elzès djowe, ki fwait do (del) mwaisse del djowe et do redjixheu (del redjixheuse), on l' lome voltî on teyåtreu (ene teyåtreuse)

Ene sôre especiåle di teyåte, c' est l' teyåte di marionetes.

Do teyåte ki s' fwait pol radio si lome ene pîce radiofonike. Pol tévé : on tévéfime.

Li teyåte e walon est studyî so ene pådje tote seule.