Yannick Bauthière
Èn årtike di Wikipedia.
(Redjiblé di Yannick Beauthière)
Yannick Bauthière, ki si spote "Mwaisse Arsouye" ("Maîsse Arsouye"), c' est on bouteu pol walon, copurade so les waibes e walon. Il a skepyî a Nameur e 1976 et a crexhou a Sint-Mårtén (Balåsse).
Il a stî cnoxhou long et lådje avou l' ratournaedje e walon del binde d' imådjes "Gaston Lagaffe" e 2007, eyet prezinter si ouve å djournå televizé so "Vivacité.
Il a eto scrît del prôze nén racontrece dins l' Rantoele-gazete.
Il dmeure a Djiblou, mins il erva sovint a Balåsse, la k' il a-st aprins a rdjåzer walon.
Yannick Bauthière est l' erî-ptit-fi da Justin Cherton, ki si spotéve dedja "Maîsse Arsouye".
Di s' mestî, il est prof di djeyografeye a Djilî. Come pasmint d' tins, i djowe voltî so les djeus videyos.
Ådvins |
[candjî] Çou k' il a-st eplaidî e walon
[candjî] Ses ôtès bouyes sol walon u l' Walonreye, et les ptits lingaedjes
- Bastixhaedje d' ene veye e brikes Lego. Avou des måjhone come do costé d' Mouze; et on cloke-poite come a Djiblou.
- Boutaedje, avou Pablo Sarachaga, sol djeu videyo "Les riskepiants rweyåmes", po radjouter li Walonreye al tcherpinte do djeu.
- Askepiaedje do Forom "Babel", po djåzer dins les ptits lingaedjes d' oyi.
