Åbe Abråm

Åbe Abråm avou l' pî e Mouze diviè Fumwè (come on l' voet a Transene u a Nåwinne)

Åbe Abråm cial lomé "mwin do Bon Diu" på fotografe

L' åbe Abråm ou åbe Abraham, c' est ene sôre di nûlêye ki s' alårdjit a môde di coxhlaedje tot vnant viè l' plaece k' on-z est.

Les pus beas ont-st on pî metou sol roye do cir.

Sôres d' åbes Abråm

Cwand il a l' pî å Coûtchant, il anonce del plouve. On djheut :

• L' åbe Abraham a l' pî e Mouze; ou : L' åbe Abråm l' cou e Mouze (dins ene grande pårteye del Walonreye, å Coûtchant ey a Nonne di Mouze)
• L' åbe Abraham a l' pî sol Djer (Basse Mouze)
• L' åbe Abraham a les pîs dins l' aiwe
• L' åbe Abraham a les pîs å vint
• L' åbe Abraham a l' pî dins on tahourea

Mins cwand il a l' pî a Bijhe e les coxhes a Nonne, c' et po fé bea.

Ci côp la, s' il a les pîs å Levant, c' est sene di grand vint.

• 
  dizeu Gré, li pî dins on tahourea
• 
  dobe åbe Abråm (Marok, li pî est dins l' Oceyan Atlantike)

Esplikêye sol no

Kécfeye ki c' est l' imådje del mwin do Bon Diu (k' on n' pout nén rprezinter divins l' Tradicion djwive, li vént ratni l' mwin da Abråm cwand i vola touwer s' fi Izåk. Ça esplicreut l' no do nouwaedje dins sacwants lingaedjes.

Dins les Belès Letes e walon

On è cåze dins les romans da Djôzef Calozet, tot djhant ki, s' il a ses pîs e Mouze (do costé d' Fumwè ou d' Djivet, çou k' est l' Coûtchant po Nåwinne), c' est po ploure bénrade.