Ça va bén (plake di muzike)

Coviete

Ça va bén, c' est l' tite d' ene sitroete plake da Wiyam Dunker avou bråmint des tecses da André Gauditiaubois, k' a vudî e 2007. Les arindjmints ont stî fwaits pa Kevin Mulligan, ki sene eto adjinçaedje avou Phil Delire.

Gn a totes sôres di muzikeus di copete livea ki djouwnut dins l' orkesse padrî l' tchanteu.

Contnou

Gn a la 15 bokets, 14 e walon (avou les cåzaedjes e walon et leu ratournaedje e francès.

Li 15inme boket , c' est dins troes lingaedjes, maxhîs : francès, walon et on nén cnoxhou lingaedje (li ci do tite, va, surmint, "Erein eta joan"). Et deus tchanteus ki tchantèt avou ene tchanteuse en erî-fond.

Li 14inme, c' est ene modêye di Lolote, bråmint pus londjinne ki l' djouwaedje classike.

Li 11inme boket (i ploût sol veye), c' est ene bossa nova.

Wiyam Dunker a scrît lu-minme les paroles do 4inme ("ça va ndaler") et do 13inme boket ("s' endaler").

Ene des tchansons del plake

C' est ene bossa nova (l° 11)

I ploût sol veye

1

Les pîs frexhis et froeds...

Les solés trawés, dji voe

Padzo les noers nouwaedjes...

Li plouve so nos vizaedjes

Dins l' gris d' on djoû sins djoye...

Påwions d' esté,

C' est nos låmes d' emocion ...

Nos cours fwaiynut l' pawon.

Come el grande rowe del fôre...

Ki tourbeye dins l' espwer...

Come les aweyes sins rtård...

Di l' ouxh del gåre...

2

Doirmoz bén, djins del veye...

Doirmoz, pôves imbeciles...

I ploût sol veye e poenne,

Nos ndalans bén eshonne,

Ns estans mierseus so l' iye

Avou l' airdiè

Muchî å fond d' nos iys...

L' amour nos fwait viker...

Come el grande rowe del fôre...

Ki tourbeye dins l' espwer...

Come les aweyes sins rtård...

Di l' ouxh del gåre...