Abeye d' Ône

Èn årtike di Wikipedia.

L' Abeye d' Ône[1] ((fr) Abbaye d'Aulne), c' esteut on moustî cistercyin basti e 1147. Mins l' abeye leye-minme date di 637.[2]

Djeyografeye[candjî | candjî l’ côde wiki]

Èç-n abeye la si trove e Gouzêye, on hamtea d' Twin, mins elle est al limotche avou Liene-e-Hinnot, on hamtea d' Fontinne-l'-Eveke.

Istwere[candjî | candjî l’ côde wiki]

Ahivêye pa sint Landlin e 637. A s' moirt, e 686, les moennes shuvèt l' rîle sint Benoet.

E 12inme sieke, elle est ofreye på prince-eveke di Lidje Åburon a 12 moennes di Cîteaux, e l' France, ki s' î vont astaler e 1147.[3]

Elle a stî distrûte e 1794 på les revinteus francès cwand is ont concwerou les dierins teritweres dal Principåté d' Lidje (k' a capitulé e 1795).

Avey[candjî | candjî l’ côde wiki]

Asteure, c' est des rwenes foirt påjhûles k' ont pout viziter et s' î poemoenner.

Gn a eto des vevîs pexhreces.

Dins les belès-letes e walon[candjî | candjî l’ côde wiki]

Les paskeyes di pexheus, racontêyes dins «Å rcoe des rwenes» da Félicien Barry, s' î passèt.

Referinces eyet sourdants[candjî | candjî l’ côde wiki]

  1. dj' ô bén, avou toplin des ôneas.
  2. TG4 a «Aulne»
  3. TG4 come ådzeu.