Afwaire des caricateures daenwesses di Mawoumet

Èn årtike di Wikipedia.

L' Afwaire des caricateures daenwesses di Mawoumet, c' est ene margaye rilidjeuse et politike k' a-st ataké e 2005. a cåze d' on dessinaedje do profete Mawoumet divins ene gazete daenwesse, li Jyllands-Posten (Posses do Djutlande).

Ca les moslimîs, come les djwifs, ni rprezintnut ni l' Bon Diu ni les profetes pa des imådjes (årvier des crustins, aprume les ortodosses).

Enondante fwaitindje[candjî | candjî l’ côde wiki]

Ene gazete daenwesse, li Jyllands-Posten (Posses do Djutlande), si mete el tiesse di fé si yene so l' islam et dessiner li profete Mawoumet ene dijhinne di côps. Rén d' bén metchant. Minme ki ces caricateures la seront rprinjhes pa ene gazete do Caire, Al Fagr (les Aireurs) li 17 d' octôbe, e plin cwareme muzulman. Portant, ni les rlidjeus d' El Azar, ni l' govienmint da Moubarek ni s' ritoûne di çoula.

Å contråve di çoula, les muzulmans daenwès sont dismontés disconte do Djutlande-posse. Aprume ki des ôtes gazetes, inte di zeles li francès Tchårlî-samwinne, riprindèt les desséns.