Afwaire do touwaedje des moennes di Tiberene

Èn årtike di Wikipedia.

L' afwaire do touwaedje des moennes di Tiberene, c' est on touwaedje eshonne après hapaedje di set moennes trapisses francès ki dmorént e l' Aldjereye.

Aite do moustî d' Tiberene, avou les tombes des set moennes

Ça s' a passé e plin mitan del guere civile aldjeryinne, e 1996.

L' afwaire a stî l' sudjet do fime "Des omes et des diès.

Cronolodjeye[candjî | candjî l’ côde wiki]

Divant li hapaedje[candjî | candjî l’ côde wiki]

Li 14 di decimbe 1993, doze ovrîs crustins crowates sont sgoziyîs a sacwants kilometes do moustî.

Li 24 di decimbe 1993, des GIA moussèt d' foice e l' abeye, et vleur prinde avou zels li fré docteur (fré Luk). Li fré priyeu rifuze, mins waerantit ki tos les malådes ki vénront dé zels seront bén sognîs. Gn a pont yeu d' må d' fwait ci djoû la.

Apiçaedje[candjî | candjî l’ côde wiki]

Li 27 di måss 1996 a ene eure å matén, apiçaedje des moennes, on n' sait nén å djusse pa kî. Deus did zels, ki n' doirmént nén avou les ôtes, ni sont nén moennés evoye.

Sayes di martchandaedje[candjî | candjî l’ côde wiki]

Li 30 d' avri, les hapeus dimandèt ås Francès di fé rlåtchî des prijhnîs islamikes, po rinde les set moennes. Mins les polices sicretes francesses ni s' etindèt nén inte di zeles.

Anonce del moirt[candjî | candjî l’ côde wiki]

Li 21 di may 1996, li GIA anonce k' il a sgoziyî les set moennes.

Li 30 di may, li govienmint aldjeryin anonce k' il a rtrové les coirs. Mins, on rfuze di les mostrer a èn evoyî di l' Ôre cistercyin. Adonpwis, on vout k' on n' åye ritrové k' les tiesses. Cesses-ciales sont ricnoxhowes al môre pa sacwants djins ki les cnoxhént bén, inte di zels, onk des moennes ki n' aveut nén stî prins.

I sont-st eterés a Aldjî li 2 d' djun 1996.

Ricweraedjes so les touweus[candjî | candjî l’ côde wiki]

On n' a måy sepou si c' est des islamisses ou des militaires aldjeryins k' ont touwé les moennes (po fé haeyi les rediveus islamiveus).

E moes d' djulete 2009, François Buchwalter, on djenerå ki boutéve a l’ ambassade di France e l’ Aldjereye raconta a on djudje çou k’ il a oyou dire do fré d' on mwaisse sôdår aldjeryin, ki moennéve èn elicoptere å moumint des fwaits. Les moennes årént yeu stî dizo on toetea d’ on campmint d’ makizårds dins l’ bwès. Li camp åreut stî mitrayîs pa des elicopteres di l’ årmêye aldjeryinne. Les coirs des moennes, kitrawés d’ bale, ni plént don nén esse rindous tés kés. L’ Estat aldjeryin fijha poirter l’ donlêye ås islamiveus, et djusse rinde les tiesses. Mins on n' a seu rtrové ni l' moenneu d' elicoptere ki djha cwè, ni s' fré ki l' rapoirta å djenerå François Buchwalter.