Ahivaedje des frontires difoûtrinnes del Beldjike

Èn årtike di Wikipedia.
Sauter à la navigation Sauter à la recherche

L' ahivaedje des frontires difoûtrinnes del Beldjike ni s' a nén fwait d' on plin côp. Vola les estapes k' ont clawé les limotches do payis.

Frontires di 1830[candjî | candjî l' côde wiki]

Frontires di 1830

C' est les frontires des ancyins Bas-Payis otrichyins et del Principåté d' Lidje. Portant, l' ancyinne dutcheye do Lussimbork est rclamêye pa Wiyåme 1î des Bas Payis. Mins li Beldjike a eto li Limbork holandès. C' est çou ki les pouxhances d' adon acceptît dins l' Påye ås dijh-ût hagnons (1831).

Guere di 1831[candjî | candjî l' côde wiki]

Mins li rwè Wiyåme n' acceptéve nén li dislaxhaedje del Beldjike. Il ataca li djonne estat, et aléve li rprinde tot, s' i gn aveut nén yeu l' arivêye d' ene årmêye francesse ki meta ahote a si avanceye. Ci fourit li campagne des dijh djoûs. Mins l' estat d' guere dura disk' e 1933.

Wiyåme prumî aveut rprins li Limbork holandès. Li Lussimbork, ki rclaméve todi, esteut tolminme administré pal Beldjike.

Acoird di 1939[candjî | candjî l' côde wiki]

Frontires di 1939
Miniauge.gifLoukîz a : «Påye ås vint-cwate hagnons»

Li 19 d' avri 1839, li Beldjike eyet l' Holande sinèt a Londe li Påye ås vint-cwate hagnons, k' acceptêye di côper l' Lussimbork a deus, a pô près sorlon li limotche di lingaedje.

Mins gn a todi ene gårnijhon prûsyinne a Lussimbork, et les Francès volèt poleur aler a Lidje (tot près del Holande) sins dveur passer par la. Gn a k’ ene ôte bele voye, ki passe pa Årlon. Årlon, et les viyaedjes djondant sont lussimbordjwès-cåzants. On va don edvinter li mite d’ Årlon, veye rominne, po-z ravôtyî l’ bistoke.

On pô pus hôt, gn a Aterte et Notombe. La, c’ est l’ famile del coine k’ ont ddja des belès plaeces dins l’ politike bedje, ki s’ vlèt mete di ç’ costé cial. Mins, tot traeçant pus al Bijhe, i vont rovyî deus viyaedjes walon-cåzants avou l’ Lussimbork : Doncô et Sonlé.[1]

Pordjet del Grande Beldjike (1919)[candjî | candjî l' côde wiki]

Sourdants[candjî | candjî l' côde wiki]

  1. Lucyin Mahin, Li Rantoele 78, esté 2016.