Alou

Èn alou, c' esteut, e l' moyinådje, èn eritaedje ki n' esteut nén sometou åzès dvwers eviè on signeur.

Mwaissès dnêyes

Did la, èn alou, c' esteut ene tere k' esteut e prôpieté complete, eneviè on fî, k' on rçuveut d' on signeur, ou d' ene prôpieté k' on louwéve (k' on ndè paye li cinse) a on signeur.

Stindaedje do sinse

Pa stindaedje, on a eto lomé alou, on boket d' teritwere ki dipindeut d' on tchestea, mins k' ere raclôs dins l' bén d' ene ôte tchestelreye. Ça vout dire ki l' ci ki n' vleut nén schoûter les lwès et les sdits di si djuridiccion pleut aler s' î mete a coete et n' nén esse porshû. Insi, a Poitchrece-e-l'-Årdene, gn aveut ene coine do viyaedje ki dipindeut d' Bouyon, adon ki l' restant do viyaedje dipindeut del Dutcheye do Lussimbork. Gn a co a l' eure d' enute ene djin k' a wårdé li sôbriket di "Djan d' l' Aluwe".