Amagnî casher

Li « u » dins l' rond mostere k' el cafè la, c' est ene abwesson cashere.

L' amagnî casher, c' est ene môde di mindjî k' est prezinte dins l' djudayisse.

Definixhaedje

Èn amagnî casher, c' est aprume èn amagnî k' est e-n acoird avou les rîles do djudayisse. Les Djwifs n' polnut nén mindjî sacwants amagnîs, inte di yeusses li pork, les cropants, les anfibyins, les insekes eyet les patådjonturîs.

Po k' ene biesse, åré les cis mincioneyes padzeu, po esse mindjeye, i fåt k' ele euxhnuxhe leu goidje coixheye. El ci ki touwe el biesse, ça doet esse èn « abateu rituwel ».

Crustinisse

Bén k' les rlidjons crustinisse vegnnut do djudayisse, les crustins n' sont nén oblidjîs d' mindjî casher. Avou ça k' Sint På a clatchî k' les crustins polnut mindjî d' tot, åré si on creyant est maké, metans, på tchå « ofreye a ene idole ». Ça våt po l' amagnî casher, mins eto po l' amagnî halal.