André Delchef

Èn årtike di Wikipedia.
Sauter à la navigation Sauter à la recherche

André Delchef a skepyî a vnou å monde a Lidje li 13 di måss 1835 ey î mori li 4 di djulete 1902.

C' esteut on scrijheu e walon, foiravant di pîces di teyåte e walon.

Ouve pol walon[candjî | candjî l’ côde wiki]

Afitche do djouwaedje do «galant del siervante»

Avou Li galant del siervante, comedeye e 2 akes, i repoite li medaye d' ôr al prumire bate di scrijhaedjes del Societé d' Langue, èn an après si askepiaedje (1857). Li pîce serè djouwêye å Rweyå Teyåte di Lidje e moes d' måss 1858. Ci serè l' prumî djouwaedje d' ene pîce e walon el Beldjike, 101 ans après l' Voyaedje di Tchôfontinne djouwé a Lidje, adon principåté otonome do minme no.

Delchef sicrijha co des ôtes comedeyes, come:

  • Les deus neveus (1860)
  • Pus vî pus sot, èn ake (1863)

Pu i s' assaya å drame avou «Pålene Closson»(3 akes) (1882).[1]

On lyi doet ossu:

  • Li narene do curé d' Mwetrou (èn ake)
  • Li cuzén Cabolet (èn ake)
  • Les ptits bordjoes (3 akes, 1880)
  • Li djambe di bwès (3 akes)
  • Li cane do medcén (3 akes)

Foû do teyåye, il a ossu scrît des tchansons, paskeyes et monolokes.

Emey ses powinmes prumés ås concours SLLW: «Houbert Gofin» et «Nosse vî Peron» (cråmignon).[2]

Come ricwereu sol walon, i va fé rexhe on studia «Histoire de la littérature wallonne à Liège (1830-1880)» (1881).

Ses idêyes[candjî | candjî l’ côde wiki]

André Delchef est eto cnoxhou come codåneu do walon, k' i ricmandéve do leyî mori l’ walon di s’ pus bele moirt (dandjreus dins s' live di 1881).

Sourdants[candjî | candjî l’ côde wiki]

  1. Gilbert Georges, Foû des vîs papîs, Federåcion d' Lidje di l' UCW, 1994.
  2. Live Coppe p. 105.