Cråmignon

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "cråmignon", alez s' vey sol Wiccionaire

Tecse et muzike d' on vî cråmignon «Pôve moxhe»

On cråmignon, c' est ene tchanson e walon ki s' tchante tot dansant avå les voyes, e s' dinant l' mwin. Li movmint des danse, c' est des crawiaedjes, did la li viebe «cråmignoner».

Les cråmignons sont diferins des brans.

Mwaissès piceures[candjî | candjî l' côde wiki]

Les cråmignons sont tipikes del veye di Lidje, et sacwants viyaedjes did ttåtoû. On cråmignonéve sol dicåce, åtoû des barakes et des tchvås d' bwès.

Dins ç' payis la, on cråmignonéve come ça, sins aveur rén apresté, li djoû del fiesse del pårotche, disk' al fén do 19inme sieke.

Li tchanson, c' est des coplets avou foû ki deus royes, avou des longs vers, sovint des zandrins. Å coplet ki shût, on cmince pa rprinde deus côps li dierinne roye do ci di dvant. Li respleu, c' est eto ene fråze k' on rdit deus u troes côps. Sovint gn a ene peclêye di coplets, dijh et dpus.

Onk des pus rlomés cråmignons, c' est " L' avoz vs veyou passer ?" da Nicolas Defrecheux.

Istwere des cråmignons[candjî | candjî l' côde wiki]

Ci sereut ene dujhance apoirtêye del France. Did la, les paroles e francès di mo vîs cråmignons. Mins ella a si bén rispité el Walonreye, ki bråmint des scrijheus walons endè scrijhît el deujhinme mitan do 19inme sieke. Gn ourit minme sacwantès bates del SLLW la k' on dmandéve di scrire des cråmignons.

Tinmes des cråmignons[candjî | candjî l' côde wiki]

Les cråmignons dins les fiesses oficires a Lidje[candjî | candjî l' côde wiki]

E 1913, gn ourit on cortedje avou des cråmignons did divinltins.

E 1930, pol cintinme aniviersaire del Beldjike, on rifjha l' minme, mins avou des cråmignons di scrijheus e walon : Nicolas Defrexheux, come di djusse, mins eto Henri Baron, Toussaint Brahy, Joseph Vrindts, Joseph Closset (pere),

Hårdêye divintrinne[candjî | candjî l' côde wiki]

Hårdêye difoûtrinne[candjî | candjî l' côde wiki]

Pådje des cråmignons so l' Aberteke