Philippe Antoine
Philippe Antoine a skepyî li 25 d' awousse 1946.
C' est on scrijheu e walon ey on rcwereu sol walon do payis d' Virwinvå.
Il a eto scrît des powinmes, eyet tchanter e francès.
Ouve pol walon
[candjî | candjî l’ côde wiki]
Il a-st eplaidî, e 2009, li motî do Virwin, ecorinné so Viêpe.
Il a eto scrît l' cåzaedje di sacwantès tchansons po Mimile, inte di zeles, des ratournaedjes da Georges Brassens et da Jacques Brel.
E 2017, il a ratourné l' live da Maurice Colot : C' est arivé a Trignole (C'èst-arivè à Trignolles), ki rashonne des ptitès istweres sol viyaedje di Trignole di 1999 disk' a 2016[1].
Il a vudî on live e walon, Cactaedjes e cåbaret e 2018.
Sacwants powinmes
[candjî | candjî l’ côde wiki]Ké viye k' on vike
[candjî | candjî l’ côde wiki] |
|
Ci powinme la stî metou e muzike pa Vincent Delire et pår divni l' tite d' ene sitroete plake.
Tecse do cåzaedje (so l' Aberteke)
Li tchanson n' a nén rprins li dvant-dierin coplet.
Pôve macrale
[candjî | candjî l’ côde wiki] |
|
Li tecse a stî toirtchî a pårti di documints istorikes so on procès d' macrale a Viêpe.
Tecse do cåzaedje (p. 4) (studyî ås scoles di Bive)
Tchanté pa Vincent Delire, so ene muzike da sinne (mins sins l' adrovaedje di l' eredjistrumint roci dzeu).
Gurnî d' sovnances
[candjî | candjî l’ côde wiki] |
|
Li scrijheu vude si gurnî, et tchaeke tchinisse lyi rmimbere on moumint di s' vicåreye.
Tchanté pa Vincent Delire, so ene muzike da sinne.
T' as volou vey Grûpont
[candjî | candjî l’ côde wiki] |
|
Ratinde
[candjî | candjî l’ côde wiki] |
|
Ci powinme la n' a måy sitî metou e muzike.
- Ratinde, todi ratinde!
- Li tins d' èn efant
- K' est ddja si pezant
- Cwand i shût les pas
- Di s' man ou di s' pa.
- Li tins d' fé l' ariole,
- Sôrti di ses scoles.
- Ratinde, todi ratinde!
- Li tins d' esse a deus,
- Cwand 'l est amoureus.
- Djouwer a catche-catche
- Dzo l' pont ki somadje
- I tchait a ferlokes
- Et i s' rabistoke.
- Ratinde, todi ratinde!
- Li tins d' al copete,
- K' est bea, tenawete;
- Li cia k' est dvant nos
- Padrî u padzo;
- Li tictak do cour (kieûr)
- Li tamtam des eures.
- Ratinde, todi ratinde!
- Li tins del viyesse
- Ki rwaite pal finiesse;
- Li tins ki distele,
- Shofele les tchandeles,
- D' on grand côp d' fåceye
- Arestêye (arète) les aweyes.
- Ratinde, todi ratinde!
- Å djårdén flori
- Do tins k' est fini.
Sourdants
[candjî | candjî l’ côde wiki]Hårdêyes difoûtrinnes
[candjî | candjî l’ côde wiki]- Si ratournaedje d’ ene tchanson da Jacques Brel
- Ene ôte tchanson k’ il est l’ cåzaedjisse
Li Wiccionaire si rsieve di sacwantès fråzes da Philippe Antoine po-z enimådjî des mots k' i gn a.
Vos trouvroz des racsegnes so les ouves da Philippe Antoine, u les ouves zeles-minmes, so Wikisourd e walon.
