Aparintaedje (linwince)

L' aparintaedje, c' est l' askepiaedje di mots parints d' on metou mot bodje.

Çoula s' fwait tot stitchant après l' mot (et des côps ådivins) des stitchetes. I s' fwait pal djeu cawetes et des betchetes. Gn a eto les ristitchaedje.

Egzimpes

On mot vike rålmint tot seu. Il a voltî des parints.

• des près-parints : c' est l' bodje do prumî mot, avou ene (sacwants) cawetes ou betchetes :
  • niche => nichté, anichter
  • diåle => diålresse, diåler (do grin)
  • doirmi => doirmeu, s' edoirmi, si fordoirmi, sodoirmant
  • hougne => hougnete, rahougnî
  • toû => catoû, cotoû
• des lon-parints
  • toû => distoûne, distournumint, racatournaedje.
  • cou => discouloter, racoulot, si racouloter
  • fé => ridisfijhaedje
• des parints al cwatrinme botnire
  • hougne / hoye, houyeu
  • bodet, bodé, bodene, rabodrou / botroûle / bidinne / bot, botresse ^{(a-z aveuri)}

Sacwants piceures di l' aparintaedje e walon

Rispitaedje d' ene cossoune etimolodjike

toû => tourner

cou => coulire, coulote, coulot

Candjmint d' prononçaedje del cossoune å coron

gade /t/ => gadot /d/

Candjmint d' voyale dins l' parintêye

schåle => schalete; påle => palete

marinde => mareder; tourmint => tourmeter => tcherpinte => tcherpetî

Parintêye fwaite sol femrin

bon => tot bounmint; araedjî => araedjeymint; enocin => enocinnmint

Tcheyaedje d' ene halcrosse lete å coron

veyant => veyanmint, corant => coranmint

long => lonmint.

Sipotchaedje do bodje

tcherpinte => tcheptî.

Aparintaedje et noûmots

L' aparintaedje est l' pus corant des sistinmes po foirdjî des noûmots. Divant l' aplacaedje. Ey adiercî des mots bråmint pus tipikes ki les calcaedjes.

Alére

Laurent Hendschel, «Cwand les mots ratindèt famile»; riscolaedje des mwaisses di scole pol walon, Årveye, 1994. ^{(a-z aveuri)}