Calcaedje (linwince)

On calcaedje, e l' linwince, c' est li rprodujhaedje d' on boket d' on lingaedje etrindjir divins on metou lingaedje, avou l' minme sinse.

Li calcaedje est diferin d' l' eprontaedje, la k' c' est l' mot etrindjir ki passe té ké dins l' ôte lingaedje, pacô tot candjant d' sinse.

Sol Wikipedia et l' Wiccionaire walons, on a lontins siervou l' mot «calcaedje» po les simpes epronts.

Egzimpes di calcaedje di mots

Vocial des egzimpes po des mots d' aplacaedje. L' inglès sky-scraper a dné l' walon screpe-cir.

Li neyerlandès woordenboek a dné l' walon live di mots.

L' almand «aus» (foû) + «gewickelt» (refaxhî) a dné l' walon foûfaxhî (ki n' a pus dandjî d' esse refaxhî, po on rafoirci påpåd).

Egzimpes di calcaedje di ratourneures

Li ratourneure francesse «prendre son pied» a pacô stî rmetowe e walon mot po mot : prinde si pî, prinde ès pî.

Li ratourneure francesse «faire la cour» a passé mot po mot e neyerlandès «het hof maken».

Egzimpes di calcaedje di piceures di croejhete

Li metaedje di l' infinitif al fén del fråze, ene piceure di l' almand et do flamind, si rtrouve dins sacwants viyès ratourneures do walon.

Ele m’ evoyive al praireye

Po les crås pourceas wårder (…) Les pourceas cmincént-st a rire Et totes les troyes a danser… Apus k’ ene tote pitite troye

Ki n’ poleut nén s’ cou moenner.viye tchanson «Dj' a m' tabeur» lijhåve so Wikisourd

.

Li plaeçmint d' addjectifs djondreces eprontés do francès (inte di zels, les cis avou l' cawete -ike divant les sustantifs, c' est on calcaedje del croejhete des lingaedjes tîxhons k' a divnou foirt corante dins les noûcåzeus e 21inme sieke. Ces addjectifs la estént todi padrî dins les uzaedjes do 20inme sieke (loukîz sol pådje : Plaeçaedje di l' addjectif djondrece).

Li ^*politike coperative des Vetes eyet Gåtchisses, c' est on ^*politike pårti francès-cåzant.so ene pådje Wikipedia (viye modêye).

Nos n' nos alans tolminme nén leyî clawer sol ^*publike plaece sins rén fé. On-z-a hapé Popol p. 207.