Araedjî tchesseu

Li fåve di l' araedjî tchesseu, c' est ene racontroûle del sôre des såvadjès tchesses.

Li mwaisse persounaedje, c' est onk k' est araedjî d' aler al tchesse. Mins ci tchesseu la a åk a si rprotchî. Soeye-t i k' il a bôreaté ses sudjets, soeye-t i k' i n' respectêye nén li rlidjon. Adon, i rescontere on sint u on priyesse ki l' vout rmostrer, mins i nel schoûte nén.

Adon, i lyi arive måleur, et il est codåné a rivni fé ene fåsse tchesse so tere, on metou djoû, disk' al fén des tins.

Modêye di Viepe

A Viêpe, gn aveut on signeur ki ctchinéve ses sudjets, et ki n' respectéve rén. Il esteut rindou après l' tchesse. I tchessive minme li djoû des åmes.

On côp k' i tchessive li djoû des åmes, la k' i rescontere on priyesse k' aléve enôlyî on malåde. Ci-cial lyi fwait li rprotche mins li signeur end a d' keure. Al nute, gn aveut on spès brouyård et l' signeur n' a nén veyou k' il arivéve dins ene fondreye. Et il a toumé dvins avou si tchvås et tote si meute di tchéns.

Dispu don, tos ls ans, li nute do djoû des åmes (do prumî å deus d' nôvimbe), i rvént wåler åtoû do tchestea d' Viepe avou ses tchéns. Et on-z ôt bén li brut di s' coine, mins stofé.

Ôtès modêyes

El Tieraxhe, les araedjîs tchesseus, c' est les cwate fis Aimon.