Mareye (mame da Djezus)

Posteure di Mareye a Baneu

Mareye (les crustins dijhnut eto l' Aviedje, Notru-Dame), c' est l' mame da Djezu-Cri.

Les crustins et les muzulmans creyèt k' elle a ratindou famile sins esminçaedje d' èn ome. Did la, si no d' "Aviedje" (comere etire). E-n arabe : Miriam l-aadra' (minme sinse).

Les crustins dijhnut k' ele fourit marieye a sint Djôzef. On n' cåze nén d' çoula dins l' Alcoran.

Les catolikes li est fiesteye sacwants côps so l' anêye. Les protestants, bråmint moens.

Raparexhaedjes di l' Aviedje

Loukîz a : Raparexhaedjes di l' Aviedje

Ene pårteye des catolikes creyèt ki l' Aviedje a raparexhou a des djins, aprume al fén do 19inme sieke, kiminçmint do 20inme sieke (a Biarin, Baneu, Lourdes, Fatima, Medjogorje, evnd.).

Fiesses di l' Aviedje po les catolikes

(cronolodjicmint dins l' anêye)

• Notru-Dame di fevrî
• Notru-Dame di måss (Notru-Dame do prétins, l' anonciyåcion", li 25 di måss)
• Notru-Dame di djulete (Notru-Dame del plovinete, li 2 d' djulete)
• Notru-Dame des iviers (li 5 d' awousse)
• Grande Notru-Dame (Notru-Dame d' awousse fiesse di l' Assompcion, li 15 d' awousse)
• Notru-Dame di setimbe u Pitite Notru-Dame (fiesse del Nexhance di l' Aviedje, li 9 di setimbe)
• Notru-Dame di nôvimbe
• Notru-Dame des Avéns u vizitåcion, tins des Avéns

Dokes crustins so Mareye

Å concile d' Efeze, e 431, l' eglijhe riclama ki l’ Djezus esteut ene djin etire. Et k’ adon l’ Aviedje Mareye aveut metou å monde li Bon Diu.

Alére

• Georges Sfasie, Les fiesses Notru-Dame : li pona et l’ cova, Li Rantoele lº 51, erî-såjhon 2009.
• Les powetes et Notru-Dame då Rampårt a Nameur, ene antolodjeye di powinmes eplaideye pa Jacques Filée e 1996.