Bate di noûmots del Fiesse ås lingaedjes walons

Li bate di noûmots del Fiesse ås lingaedjes walons, c' est ene bate drovowe a tertos, po trover des noûmots (e walon, mins eto e picård et minme e gåmès).
Elle a stî metowe so pîs come pårt del fiesse ås lingaedjes walons diré 2015.
Tchaeke anêye, gn a on tinme, et, des côps k' i gn a, èn atåvlaedje di sacwants mots k' on pout ratourner.
Les noûmots atåvlés polèt esse rahoukîs dizo l' côde G101 dins l' djivêye des motîs do walon. Les meyeus mots des onze prumirès anêyes ont stî replaidî dins on ptit live lomé Noûmots walons (Néologismes wallons issus des fêtes aux langues de Wallonie, 2015-2025).
Djuri
[candjî | candjî l’ côde wiki]Dins l' djuri, gn a: Batisse Frankinet, Michel Francard, Lucyin Mahin (disk' e 2018), Chantal Denis (disk' e 2018), Jean-Luc Fauconnier, eyet Alix Dassargues (dispu 2017); et Roland Thibeau pol picård (disk' e 2017).
E 2019, c' est Romain Berger ki divna mwaisse del djowe.
Edicion 2015
[candjî | candjî l’ côde wiki]Li tinme, c' esteut les nouvès tecnolodjeyes eyet l' mårcutigne.
Gn ourit 12 bateus(es): 4 e rfondou walon, 4 e walon do Levant, onk e carolo, onk e namurwès, et deus e picård.
Li djuri relijha sacwants noûmots a spåde, inte di zels :
- guigne-djin pol francès «caméra de surveillance»
- egurniyaedje po «årtchives»
- zûna pol franglès «buzz»
- clignete pol xhinåd li pus corant, ki fwait djustumint ene clignete.
- bransketer po disfacî on fitchî sins ådjeu del rapexhî (inglès «delete» sins åjhmince di fé èn «undelete»)
- djermon pol franglès «start-up»
Edicion 2016
[candjî | candjî l’ côde wiki]C' esteut sol tinme del medcene.
Gn a yeu 6 atåvlaedjes: onk avou l' accint d' après Tchålerwè, onk d' après Lidje, onk e gåmès, onk di Måmdiy ey onk e picård.
Edicion 2017
[candjî | candjî l’ côde wiki]Rizultats
[candjî | candjî l’ côde wiki]Edicion 2018
[candjî | candjî l’ côde wiki]C' esteut so les voyaedjes.
Edicion 2019
[candjî | candjî l’ côde wiki]Li tinme fourit «les addjectifs absitroet et les valixheures moråles».
Edicion 2020-2024
[candjî | candjî l’ côde wiki]Li tinme, c' esteut l' ecolodjeye, lådje-veyanmint : evironmint, les enerdjeyes, li tcheriåjhe (transpoirt), li rivnaedje a ene veye pus naturele. Les rzultats n' ont nén polou esse dinés al fiesse ås lingaedjes walons, k' a stî rmetowe di cåze do cron virûsse. Et l' bate rimetowe po 2024. Onk des noûmots ricnoxhous esteut «ecostrindaedje».
Edicion 2025
[candjî | candjî l’ côde wiki]Les noûmots di ciste anêye la, c' esteut sol tinme del muzike et do tchantaedje. Mins on pleut prezinter des trovas di des ôtes dominnes.
Edicion 2026
[candjî | candjî l’ côde wiki]Li tinme, c' ere les årts di scanfår. On pleut co atåvler des noûmots dins tos les dominnes.
Hårdêyes difoûtrinnes
[candjî | candjî l’ côde wiki]2015
[candjî | candjî l’ côde wiki]2016
[candjî | candjî l’ côde wiki]2017
[candjî | candjî l’ côde wiki]2018
[candjî | candjî l’ côde wiki]2019
[candjî | candjî l’ côde wiki]2020-2024
[candjî | candjî l’ côde wiki]- Rizultats oficirs
- Prezintaedje pol fiesse (avou des mapes)