Bildigne De Heug

Li Bildigne De Heug, e 2017, tins d' ès mwaisse-rfijhaedje.

Li Bildigne De Heug, c' est on bildigne ki si trouve sol rive gåtche di Sambe, al Basse-Veye di Tchålerwè.

Istwere

Li Bildigne De Heug a stî askepyî etur 1933 eyet 1934 på årtchiteke Marcel Leborgne. Il a stî aspalé pa Henri Leborgne. Come di djusse, el famile De Heug, c' est puvite ene famile di martchands d' piyanos. Ci societé la esteut, aprume, a Mårcinele.

E 1985, les C.C.C., k' el manaedjeu c' esteut Pierre Carette, ont sayî d' assåder ci bildigne ci. Il ont fwait, plamour k' i gn aveut ene banke drola, a ciste epoke la : el Manufacturers Hanover Bank.

Ene dijhnêye après, sacwants elemints d' ci bastimint ci ont stî classés al Redjon walone. La ossu, k' e 2003, on lz a metou sol lisse di l' Institut do Patrimoenne Walon. Totfeye ki cåzumint 10 ans après, èç bildigne ci tournéve a rén. Il årè falou ratinde l' anêye 2020 po k' li Bildigne De Heug soeye mwaisse-rifwait.

Tcherpinte

Li bildigne De Heug est 19,8 metes hôt. Li stîle del tcherpinte, c' est do modienisse. A l' atake, li plaece-bas esteut po on botike. I gn a shijh astaedjes avou des balcons. Mins nerén, come on-z el sait vir avou l' foto a droete, les balcons n' sont pus des terasses, asteure. Ådzeu d' ça, el dierin astaedje a stî mwaisse-rifwait po divni on doblaedje.