Biyet d' doû
On biyet d' doû ou lete di moirtou fwaire-pårt di moirt, c' est on papî k' on-z evoye ås parints et ås soçons, u k' on fwait mete so les gazetes, et k' anonce k' ene sakî est moite.
El Walonreye, les biyets d' doû si fjhént todi e francès; on tuzéve ki l' walon ni dujheut nén å serieus del moirt.
Mins, a pårti di 2005, on-z a veyou des ptits mots e walon so les fwaire-pårt (les cis po Josée Mathot, et po Raymond Mouzon).
Li fwaire-pårt di moirt po Rodjî Viroux esteut pår e walon.
Adlé les fwaire-pårts di moirt, n a-st eto les cis di skepiaedje et d' mariaedje.
