Raymond Mouzon

Èn årtike di Wikipedia.
Potchî a: naiviaedje, cweri

Wiktionary-logo.svg

Li Wiccionaire si rsieve di sacwants fråzes da "Raymond Mouzon" po-z enimådjî des mots k' i gn a.

e 1984, å strimaedje di "Ene båke so les bwès d' l' Årdene" da Lucyin Mahin

Raymond Mouzon, pus sovint lomé l' abé Mouzon, u, emey ses copleus l' abé aveut skepyî a Nuviè li 26 d' awousse 1929; si a-t i morou å Tchestea li 13 di fevrî 2005.

Il esteut mimbe di l' SLLW.

Riprins dins l' antolodjeye Scrijheus d' Årdene.

Di s' mestî, il esteut prof di sgondaire. Pu, sol fén, il a stî curé d' pårotche.

Ouve pol walon[candjî | candjî l' côde wiki]

Li grand enondeu do walon e scole dins l' province do Lussimbork, il aveut metou so pås so fotches li CIDWEL, li cinte di documintåcion pol walon (eyet l' gåmès) e scole.

Il aveut eto stî on pilé des bates di recitaedjes e walon po ls efants et do Libråmonissime (on djeu inte tos les viyaedjes do ban d' Libråmont, avou des kesses sol kinoxhance do walon).

Il a eto dit ene cwénzinne di messes e walon, po les fiesses del Walonreye a Libråmont.

Il a-st eplaidî troes ptits lives di bokets e walon d' après l' Tchestea, les «cåzans walon» parexhous e 1977 (livret I, 24 tecses) 1979 (livret II, 24 tecses) pu e 2003 (livret III, 26 tecses), tchaeke côp avou on motlî.

Mins si pus grosse bouye, kécfeye, ça a stî ses inketes sol walon do payis do Tchestea. Il a insi rashonné des hopeas d' foyous, et les rarindjî. Mins i n' a nén arivé å coron di s' dak.

Hårdêyes difoûtrinnes[candjî | candjî l' côde wiki]