Boûkete (påstedjreye)

Pol discramiaedje des årtikes avou l' mot « boûkete », loukîz cial.

Li boûkete u berdele, c' est ene vôte al farene del plante do minme no,

Elle est pus cnoxhowe aprestêye après Lidje, la k' on l' aprestêye å Noyé. Mins on è fjheut eto so l' Årdene nonnrece (c' est la k' on l' loméve «berdele»).

Ricete

On mete des oûs et del farene di boûkete shuvant l' uzaedje. Mins asteure, ci n' est pus del farene di boûkete peure, mins on maxhot di farene di frumint et d' boûkete. Dins cisse noere påsse la, on cseme des corintenes. Des ôtes radjoutèt des caetches.

Ni rovyîz nén di mete des yesses, ca cisse påsse la est pezante. Après, vos l' lairoz lever dilé li stouve.

Cwand l' påsse est levêye, on cût al paile å boure u a l' ôle di golzå.

On lzès magne tchôdes, avou do souke dissu, u froedes, avou del sirôpe.

Dins les Belès Letes e walon

Spots et vîs scrijhaedjes

On cnoxhe li spot, ki dit:

cwand k' on magne les boûketes a l' ouxh

I sinifeye ki, cwand i fwait bon å Noyé, i fwait froed a Påke.

Dins on vî noyé d' après Vervî ki date del fén do 18inme sieke, on bierdjî ofrixh a l' Efant-Diu :

Ene tåte di vî stofé

Ey ene vôte al boûkete.

Arimé da Georges Ista

Li rlomêye del boûkete s' a eto spårdou a cåze d' èn arimé da Georges Ista, k' a divnou on classike des recitaedjes d' efants, Li boûkete emacralêye.