Bolets d' rindaedje (oujheas)

Pol discramiaedje des årtikes avou l' mot « bolet », loukîz cial.

Bolets d' rindaedje d' èn aigue d' Amerike bijhrece

On bolet d' rindaedje ou ene bolete di rmetaedje u ene bolete di rnådaedje, po èn oujhea, c' est des boles rinådêyes pa les oujheas magneus d' tchå (eto d' pexhons), mins ossu les coirvidîs, et co toplin d' ôtes oujheas.

Discrijhaedje

Les bolets d' rindaedje sont fwaits des rleyons des proyes k' il avalèt totes rondes : pwels, oujheas, schåves d' oûs, ou minme les eriesses di pexhons (vert pexheu).

I sont rnådés på betch eneviè 2 eures après l' egolaedje des proyes. On lzès rtrouve dilé l' ni ou l' djoke des oujheas. Po les oujheas d' nute magneus d' tchå come li hourete di clotchî, on les rtrouve sol plantchî des gregnes, ou å pî des clokîs. U dizo des fis electrikes la k’ ele si postêye po-z awaitî ses proyes.

Dins les belès-letes e walon

Discrît pol vert-pexheu pa Jean Lejeune di Djoupeye divins «Avå trîxhes et bwès».

Cwand l' pexhon esteut ene idêye gros, i vs fåreut vey kimint ki l' rapexheu s' kitråynéve po dire del fé passer tot etir e s' buzea. I s' kitoirtchive et fjheut des foices tot parey k' alaxhe sitronner.

Et on grand long tins, i wårdéve ene gafe come on pogn. Adonpwis, tot come on colon ki fwait bolêye tot rmetant si amagnî, i rnådéve les boletes d' eriesseset di screnes di pexhons, grosses come des petchales.