Bolets d' rindaedje (oujheas)

Èn årtike di Wikipedia.
Potchî a: naiviaedje, cweri
Bolets d' rindaedje d' èn aigue d' Amerike bijhrece

On bolet d' rindaedje ou bolete di rmetaedje, po èn oujhea, c' est des boles rinådêyes pa les oujheas magneus d' tchå (eto d' pexhons), mins ossu les coirvidîs, et co toplin d' ôtes oujheas.

Discrijhaedje[candjî | modifier le wikicode]

Les bolets d' rindaedje sont fwaits des rleyons des proyes k' il avalèt totes rondes : pwels, oujheas, schåves d' oûs, ou minme les eriesses di pexhons (vert pexheu).

Eles sont rnådêyes på betch eneviè 2 eures après l' egolaedje des proyes. On lzès rtrove dilé l' ni ou l' djoke des oujheas. Po les oujheas d' nute magneus d' tchå come li hourete di clotchî, on les rtrove sol plantchî des gregnes, ou å pî des clokîs.

Dins les Belès Letes e walon[candjî | modifier le wikicode]

Discrît pol vert-pexheu pa Jean Lejeune di Djoupeye divins «Avå trîxhes et bwès».

Cwand l' pexhon esteut ene idêye gros, i vs fåreut vey kimint ki l' rapexheu s' kitråynéve po dire del fé passer tot etir e s' buzea. I s' kitoirtchive et fjheut des foices tot parey k' alaxhe sitronner.
Et on grand long tins, i wårdéve ene gafe come on pogn. Adon-pwis, tot come on colon ki fwait bolêye tot rmetant si amagnî, i rnådéve les boletes d' eriesseset di screnes di pexhons, grosses come des petchales. [1]

Sourdants[candjî | modifier le wikicode]

Commons
I gn a so les cmons Wikipedia des imådjes ou fitchîs son a vey avou les bolets d' rindaedje .
  1. p. 180.