Hourete di clotchî

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "hourete di clotchî", alez s' vey sol Wiccionaire

Ene hourete di clotchî (apiceye coixheye), les aiyes å lådje

Li hourete di clotchî ou houprale di clokî, ou blanke hourete, c' est on grand oujhea d' nute magneu d' tchå, tot blanc d' ploumaedje.

No d' l' indje e sincieus latén : Tyto alba

Discrijhaedje[candjî | candjî l' côde wiki]

Elle a ene blanke face et des grandès blankès aiyes, dipus d’ on mete lådje cwand ele vole.

Vicaedje[candjî | candjî l' côde wiki]

trô d' hourete, e l' Almagne

Fwait s’ ni dizo les panes ou les schayes. Mins i fåt on trô po rexhe (ene vite di gurnî spiyeye, ene bawete di clokî). Dins des payis k’ i gn a on leye ene bawete esprès dins les gregnes, po l’ hourete rexhe.

Ele rexhe a cmincî del vesprêye. Ele apice des soris et des rates. Kécfeye eto les djonnes di colons.

Come les ôtes oujheas d' proye, ele rinåde les restants des biesses k' elle a magnî. Ces boletes di rnådaedje la si rescontrèt la k' elle s' a metou a djok po "roemyî".

Ele hoûle saizixhanmint, come çouci: Loudspeaker.svg aschoûtez lu

Mopliyaedje[candjî | candjî l' côde wiki]

Djonnes

Li frumele pond cwate a set oûs. Li måye apoite l' amagnî e ni, sol tins ki l' frumele cove pu s' ocupe des djonnes.

Les djonnes ripoizèt so ene sipexheur di bolets dismantchîs, rindous pa leus parints.

Dins les viyès creyances[candjî | candjî l' côde wiki]

Dins les doûcès creyances did dinltins, elle esteut lomêye l’ oujhea del moirt. On l’ apicive et l’ clawer vicante sol poite del scheure (gregne).[1]

Lomaedje dins des ôtes langues[candjî | candjî l' côde wiki]

E l' inglès, on l' lome "hourete di gregne".

E francès, "sibarante hourete".

Sourdants[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou li houprale di clokî .
  1. Léon Demarche, Li houperale di clokî, La Wallonne, 4-2012.