Bovegne

Bovegne (e scrijha Feller: Bovègne, fr: Bouvignes-sur-Meuse u Bouvignes), c' est èn ancyin ptit ban del Walonreye, dedja rebané avou Dinant e 1964.

eglijhe et tchestea

Mwaissès dnêyes

• Limeros del posse : 5500 (come Dinant, n' a måy yeu on limero da sinne)
• Limero diyalectolodjike : D 38 (mwaisse pont di l' ALW).
• Arondixhmint : Dinant
• Lomaedje et spotaedje des djins did la :
  • Lomaedje : Bovignî, Bovignresse; (F. Bouvignois, oise)
  • Sipotaedje: les Magneus d' as.
• Rima ki mostere l' innmeyisté inte Bovegne, del Dutcheye di Nameur avou Dinant, di l' ôte costé d' Mouze, k' esteut Principåté d' Lidje).

S’ il est d’ Bovegne,
K’ i vegne !
S’ il est d’ Dinant,
Nos l’ ritchesrans.

Nos di des plaeces di Bovegne

• a Rmeypré (e F. Remepret)
• Bouyet
• Wespin

Istwere

Dispu bele ådje, gn a yeu on tchestea so les cresses di Bovegne.

E 1180, li conte do Hinnot, Bådwin V, essere Bovegne, ki n' riprezinte k' on gros viyaedje.

Bénrade, Bovegne va divni on bork, avou èn eclôzeure, ki rçût e 1213 ene tchåte di liberté do Conte di Nameur.

Ça fwait k' les djins d' Bovegne divnèt les sfwaits des bordjoes d' Nameur.

Tote li Moyinådje å long, on va cnoxhe les margayes etur Bovegne eyet Dinant, cisse-ciale estant payis d' Lidje. Gn a on spot, k' e-st ene sovnance des margayes di ç' tins la: S' il est d' Bovegne, k' i vegne; s' il est d' Dinant, nos l' retchesrans!

Mins les margayes n' espaitchèt nén l' comiece inte les deus vijhéns, et les djins d' Bovegne si rsintèt foirt do crexhaedje del dinantreye. Li mestî des bateus d' keuve î est florixhant des trevéns då Tchårlukin.

Mins les rascråwes kimincèt avou les gueres inte l' Espagne eyet l' France. E 1554, Bovegne est bouxheye djus pås sôdårds da Hinri II, li rwè d' France. Dispu don, li veye discrexhe todi dpus, et les bateus d' keuve schipèt-st evoye.

Nerén, Bovegne est co li dmorance d' on drossåd, et on gros bork avou deus martchîs, so tot l' tins d' l' Ancyin Redjime.

Tuzance walone

Sicrijheu e walon

Jean Colot î dmeure.

Accint did la

Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa Jean Colot avou l' accint d' après Bovegne pol Djåzant atlasse éndjolike des lingaedjes di France et d' pattavå.