Braket (plante)

Pol discramiaedje des årtikes avou l' mot « braket », loukîz cial.

Po des linwincieusès racsegnes sol mot "braket", alez s' vey sol Wiccionaire

Li braket^[1] u lisse des fagnes^[2], c' est ene plante ki vént so les troufire.

Sincieus no d' l' indje : Narthecium ossifragum

Discrijhaedje

Ses raecinêyes, c' est des rampes ki corèt sol frexhe tere.

Ele ni vént nén pus ki 15 cintimetes hôte. Ses foyes sont orandjêyes, pitites ey aplateyes. Ele crexhèt a ptitès boheyes do pî del plante.

Li montant passe les foyes, et poite on flormint di ptitès fleurs di 2 cintimetes, djaene vif, mins ki divnèt orandjes cwand l' plante divént pus viye.^[3]

Ecolodjeye

I lyi fåt aveur les pîs e l' aiwe et l' tiesse å solo. Adon, on l' ritrouve dins les poureyès fagnes, la k' on efagne åjheymint. On n' î pleut nén aler waidyî les boûs, come rilevé a Zôrbrôte:

Wice ki l' braket crexhe, li boû n' va nén.

Mins on-z î pleut troufler:

Wice ki l' braket crexhe, i gn a del troufe.^[4]

Epweznance

Li plante sereut on pwezon po les biesses.^[5]

Commons

I gn a so les cmons Wikipedia des imådjes ou fitchîs son a vey avou l' lisse des fagnes .

Sourdants

↑ brakèt E9 p. 228, braquèt E165 p. 231
↑ lis’ dès Fagnes E9 p. 228.
↑ Alphonse Nicolet, Des åbes et des yebes d' åtoû des Fagnes, l° 27.
↑ E9, come ådzeu.
↑ racsegne rascodowe a Tirimont (E9, come ådzeu).

[1] brakèt E9 p. 228, braquèt E165 p. 231

[2] s’ dès Fagnes E9 p. 228.

[3] Alphonse Nicolet, Des åbes et des yebes d' åtoû des Fagnes, l° 27.

[4] E9, come ådzeu.

[5] racsegne rascodowe a Tirimont (E9, come ådzeu).

[1]

[2]

[3]

[4]

[5]