CROMBEL (soce)
Li CROMBEL, ki l' no oficir e francès, c' est Comité roman du Comité belge du Bureau européen pour les langues moins répandues, c' est ene soce astaplêye a Tchålerwè. Si prezidint, c' est Jean-Luc Fauconnier.
L' ôre di mission d' cisse soce la, c' est d' disfinde tos les ptits lingaedjes romans. C' est leye ki fwait rexhe li gazete micRomania. Elle a eto deus coleccions d' lives : micRomania et micRomania Lingva.
Po-z atchter les lives do CROMBEL, i fåt atôtchî El Måjhon des Walons.
Li CROMBEL est ene soce ricnoxhowe come « federåcion d' djins d' mestî » pal Federåcion Walonreye-Brussele.[1] Ça fwait k' i boute al Tchambe di concertåcion des Scrijhaedjes et do Live.