Categoreyes di måyes
« Måye alfa », « måye beta », « måye sigma » et tchik et tchak sont des mots vnant do motlî d' Etrernete. C' est des mots ki shonnnut sey sincieus, mins k' i n' el sont nén.[1] C' est po ça, k' on lz a rdit dins l' monde del syince.[2]
Come di djusse, ces categoreyes di « måyes » sont purade ene edvincion del tuzance peuprece.[3] Bén k' ça rwaite foiravant les omes, ces mots la polnut afeye rwaitî les comeres.[4]
Definixhas[candjî | candjî l’ côde wiki]
Måye alfa[candjî | candjî l’ côde wiki]
Les måyes alfas sont, sapinse a ci teyoreye ci, des moenneus. Al môde d' on leu ki moenne si hiede.[1] Sorlon ci teyoreye ci, les comeres srént naturelmint assaetcheyes på måyes alfas. Les omes alfas årent, sapinse todi a ciste idêye ci, moens d' respet eviè les comeres.[5] Mins nerén leu pus grande piceure, c' est d' nén prinde asteme a çk' on pôreut dire so zels. Dins les laids costés, on-z ertrouve l' egoyisse.[6]
Måye beta[candjî | candjî l’ côde wiki]
Les måyes betas sont les omes ki srént dôminés på måyes alfas. El mot « beta » est sovint siervous come on no d' tchén.[5] Les måyes betas ont kécfeye des beas costés. Metans, i sont amiståves eyet fideles. Leu pus grande rujhe, c' est d' nén sawè bén saetchî leu plan avou les femes.[6]
Måye zeta[candjî | candjî l’ côde wiki]
El categoreye des måyes zetas est novele. C' est des omes ki n' acceptêynut nén les standårds eyet les rafiyas del omrinté. Po yeusses, les omes eyet les femes n' ont nén des rôles eyet des responsåvistés definis.[7]
Måye sigma[candjî | candjî l’ côde wiki]
Les måyes sigmas rshonnnut foirt åzès måyes alfas. Veyanmint k' i sont tot ossu dôminants. El mierseule diferince, c' est li fwait k' les sigmas s' codujhnut come des « leus mierseus ». Al môde, nén-ravinzancisse.[9] I sont rwaitîs tot-z estant les pus råles.[10] Houte di çoula, i sont rwaitîs tot-z estant mo indepindants eyet des bons saetcheus d' plan.[9] Mins nerén, i sont puvite adroviertis.[1]
Måye omega[candjî | candjî l’ côde wiki]
Les måyes omegas n' ont d' keure d' leu plaece dins l' societé. Il inmnut ostant d' fé a leu môde, al plaece d' aschoûter ubén di dpinde des ôtès sakîs. Les cas des måyes omegas, c' est d' esse des fels skepieus, des sifwaitès djins, des frankès sakîs eyet des grands aidants. Dins les mås, i gn a leus tchveas ki sont tot près d' leu tiesse eyet leu manke di respet.[11] E handele, i srént les meyeus alouweus, pask' i n' fåt nén bråmint po lzès adire.[12]
Fråzlete[candjî | candjî l’ côde wiki]
E-n inglès, i gn a ene fråzlete raloyeye a ces categoreyes di måyes ci. Li fråzlete d' oridjene, c' est « alpha fucks, beta bucks ». Kécfeye, veyanmint l' måvasté del fråzlete, l' ortografe des mots est sovint ene miete ercandjeye. El definixha d' èç fråzlete ci, c' est on rapoirt inte les omes eyet les femes. Come di djusse, les comeres inmnut mî di flinchî avou des alfas. Télcôp, ele si sintnut oblidjî di flintchî avou des betas, ki shonnnut moens bén k' les alfas, po les liårds.[13][14]
Sorlon ci fråzlete ci, les comeres spozrént kékes côps des betas, tot håbitant secsouwelmint avou des alfas.[15][16]
Hårdêye difoûtrinne[candjî | candjî l’ côde wiki]
Èn « odiolisse » d' muzikes fonks po les måyes sigmas.
Referinces eyet sourdants[candjî | candjî l’ côde wiki]
- ↑ 1,0 1,1 et 1,2 https://www.forbes.com/sites/danidiplacido/2021/01/26/the-pseudoscience-behind-the-sigma-male-explained/
- ↑ https://www.independent.co.uk/life-style/the-myth-of-the-alpha-male-a7724971.html
- ↑ https://www.epicdope.com/is-thomas-shelby-an-alpha-male-or-a-sigma-male/
- ↑ https://web.archive.org/web/20210505131539/https://www.medpagetoday.com/tedmed/tedmed/84206
- ↑ 5,0 et 5,1 https://www.theguardian.com/science/brain-flapping/2016/oct/10/do-alpha-males-even-exist-donald-trump
- ↑ 6,0 et 6,1 https://www.deveniralpha.net/alpha-beta.html
- ↑ https://www.mantelligence.com/zeta-male/
- ↑ https://www.gq-magazine.co.uk/lifestyle/article/sigma-grindset-tiktok-trend-2022
- ↑ 9,0 et 9,1 https://www.wikihow.com/Sigma-Male
- ↑ https://nationalpost.com/news/canada/what-is-a-sigma-male-the-so-called-rarest-man
- ↑ https://www.wikihow.com/What-Is-an-Omega-Male
- ↑ https://www.e-marketing.fr/Definitions-Glossaire/Omega-male-242643.htm
- ↑ Ging, D. (2019). Bros v. Hos: Postfeminism, Anti-feminism and the Toxic Turn in Digital Gender Politics. In. Gender Hate Online Understanding the New Anti-Feminism. Springer International Publishing, pp. 45-67.
- ↑ https://www.salon.com/2014/07/01/feminism_is_a_sexual_strategy_inside_the_angry_online_mens_rights_group_red_pill/
- ↑ Ging, D. (2019). Alphas, Betas, and Incels: Theorizing the Masculinities of the Manosphere. In. Men and Masculinities, Vol. 22, l° 4, pp. 638-657.
- ↑ Van Valkenburgh, S. P. (2021). Digesting the Red Pill: Masculinity and Neoliberalism in the Manosphere. In. Men and Masculinities, Vol. 24, l° 1, pp. 84-103.