Cawete -eur

Li cawete -eur, c’ est ene cawete acawêye a èn addjectif, ki mostere li cwålité di cist addjectif la.

Egzimpes

Addjectif	Sustantif avou l' cawete -eur
lådje	lårdjeur
long	longueur
grand	grandeur
maigue	maigreur
hôt	hôteur
froed	froedeur
rodje	rodjeur
noer	noereur
blanc	blankeur
tinre	tinreur
tiene	tieneur

Cas a pårt

Pacô, gn a on ptit candjmint d' bodje

Addjectif	Sustantif avou l' cawete -eur
spès / spesse	spexheur
gros / grosse	groxheur
tchôd	tcholeur
vert / vete	verdeur

}

Des côps, on n’ ritrouve nén l’ addjectif : mayeur.

Des ôtes côps, li rapoirt n’ est nén clair : måle (mwaijhe, mauvaise, méchante) => måleur

Dins les diferins accints do walon

Après Lidje et l' Bassårdene, li R dimeure: -eûr.

So Nameur et Tchålerwè, li R del fén disparexhe : laurdjeû, longueû, nwâreû, vèrdeû.

Cawetes vijhenes 

• -té : peur => purté ; grandiveus => grandiveusté ; rance => rançté ; seur => surté ; påjhire => påjhirté ; niche= nichté
• -sté : metchant => metchansté ; mannet => mannesté ; måssî => måssîsté.
• -isté : tinrûle => tinrûlisté ; påjhûle => påjhûlisté ; noer => noeristé (c’ est bråmint des noûmots foirdjîs diviè 1900) ; prumî => prumîristé [priorité]; plinne => plinnisté [gravidité].
• -esse : bas => bassesse ; fel => felesse ; fwebe => fweblesse.