Claude Criquielion

Claude Criquielion (spoté «Claudy» ou «El Crike» ou, e walon, li «li Crikion», sinse di s' no e picård), c' esteut on coreu a velo walon.

Il a skepyî a Acren (Lissene) el 11 di djanvî 1957. Il a morou li 18 di fevrî 2015.

Vicåreye

I steut on gamén d' cinsî et c’ est låvå k’ il aveut dné les prumîs côp d’ pedale.

Estant djonne, i vleut ddja wangnî. Po comincî, bén seur, c’ esteut des ptitès coûsses dins l’ redjon. Po shure, gn a yeu l’ toû d' l’ Avni. Il aveut 20 ans.

L’ anêye d' après, i passe mon les professionels dins ene ekipe espagnole (KAS) eyet i repoirtêye direk el Samwinne catalane.

Claudy Criquelion, po s’ prumire anêye, ès mostere totshûte èn apougnant des belès plaeces.

Adon, gn a ene ekipe beldje ki s’ va interessî å coreu, ki discrotche on bea contrat mon Splendor. Il î dmorrè nouv anêyes.

Grandès victweres

Il a wangnî en swessantinne di coûsses di 1979 a 1991.

Metans :

•  li Flitche Braibançone (1982)
• li Flitche walone e 1985 et 1989
• el Toû d' Romandeye e 1986
• el « Toû des Flandes e 1987
• tchampion d’ Beldjike e 1990
• tchampionat do monde a Bårçulone e 1984

Après s' veye di coreu

Cwand i s’ a djoké di cori, il a dvinou directeur spôrtif.

Ene coûsse poite ès no « el Grand Pris Criquelion » ki s’ court fén do moes d’ may.

Al fén, il a prins ces distances avou l’ velo eyet a rvinou viè ses raecenes dins s’ viyaedje. Dispu 2006, i steut scabén d’ el Veye di Lsene.