Scabén

Èn årtike di Wikipedia.
Aller à la navigation Aller à la recherche

Wiktprintable without text.svg

Po des linwincieusès racsegnes sol mot "scabén", alez s' vey sol Wiccionaire

On scabén, ene sicabene[1], asteure, e l' Beldjike, c' est ene djin k' a stî lomêye dins les vôtaedjes po ene comene, et k' a on posse djusse dirî l' ci do mayeur, po manaedjî on dominne a pårt del goviernance d' ene rebanêye comene.

Povwer escabinå[candjî | candjî l’ côde wiki]

I sidje dins l' coledje do mayeur et des scabéns, ki rprezinte come li govienmint del comene. Come di djusse i sidje ossu e consey cominå, vaila avou les conseyîs.

I pout esse rimercyî come scabén pa on vôte e coledje. Ça arive s' i n' est pus trop d' acoird avou l' mayeur, et k' ci-ci a ene foite mådjorité. Mins i wåde si plaece e consey.

Dins l' istwere[candjî | candjî l’ côde wiki]

Divant les grands rebanaedjes, les scabéns avént l' minme ovraedje ki pol djoû d' ouy. C' esteut dandjreus ossu l' cas dizo l' redjime holandès (a-z aveuri).

Do trevén do vî redjime, gn aveut eto des scabéns, mins dins on cåde mo diferin. I estént mimbe del coû des scabéns, ki rindeut l' djustice å peupe, ene miete come li police d' ouy. Les rapoirts estént scrît dins les lives del coû.

Dins les ôtes payis[candjî | candjî l’ côde wiki]

Ezès Bas Payis, les scabéns (lomés wethouders, wårdeus del lwè) sidjnut dins l' coledje, mins nén dins l' consey.

E l' France, gn a des djins k' ont l' minme gråde et l' minme ovraedje ki les scabéns d' Beldjike, mins i n' si lomnut nén insi.[2]

Sourdant et pî-note[candjî | candjî l’ côde wiki]

  1. Sovint, on rprind l' mot francès, riprononcî «èch'vin» u «échèvin».
  2. sol Wikipedia francès