Codjowaedje esse

a l' indicatif prezintrece

Li codjowaedje d' «esse» ou «sey» (dobe rifondowe a l' infinitif), c' est on codjowaedje d' on viebes del 5inme troke, mins pår disrîlé.

Tins d' codjowaedjes

Infinitif

Vola les cognes di l' infinitif

• esse : Lidje Årdene
• sey : dobe rifondowe (provnant do Payis d’ Bastogne et Oufalijhe; vénreut purade do tîxhon sein
• yèsse : après Nameur, fwait pa atroclaedje [agglutination] del lete di beloyance [lettre euphonique] « y » (come Yåle / Yålî, Yon, yåk, yink, yôteur, yût’, a yute)

Prezint d’ l’ indicatif

Les cognes do prezint d' l' indicatif, c' est

• dji so (dji su, djè së / seu, djè sû, dju si...) : dji so disbåtchî
• 2e djin :
  • vos estoz (vos èstez, vos astoz, vos astez, vos astèz, vos stèz) : cwand vos estoz dé mi, et dji so si bén.
  • t’ es : ti n’ es nén co si malén, po onk k’ a fwait l’ univ.
  • fråze dimandrece : ess ? (wice ess ? => on wizess) / estoz malåde ? = estoz vs malåde ?
• il est / elle est (tocosté) !!!! omonime di « il è » (il è sè, ille è fwin) el Basse Årdene ; tchampnwès « il ait » (il ait swa, elle ait faim) (minme prononçaedje mins ôte ortografeye).
• nos estans / dj’ estans (dj’ astans, nos stons) : nos estans firs di nosse pitite patreye
• i sont / ele sont (i sant) : i sont-st evoye å bwès (i sont vôye ou bos)

Futeur (indicatif futurrece) Asteure on acceptêye li spotchaedje do prumî pî.

• dji serè / dji srè (dju s’rê, dji sèré) : cwand dji serè moirt, dji n’ vicrè pus.
• 2e djin :
  • vos seroz / vos sroz (vos sèrez, vous s’rez) : l’ an ki vént, vos seroz dins les grandès scoles.
  • ti serès (tu s’rès) : dji frè m’ semdi cwand ti serès-st evoye.
  • fråze dimandrece : seress la dmwin ? seroz la å mwaisse raploû ?
• i serè / ele serè (i s’rè, ile s’rè) : ele serè al gåre di Libråmont po ût eures al nute.
• nos serans / dji srans (nos sèrons) : cwand nos serans ritches, nos frans l’ toû do monde avou nosse caravane.
• i seront / ele seront (i s’rant, ile s’rant) : ti voerè k’ après les spitchs, c’ est zels ki sront les prumîs po boere li vere di l’ amisté.

Durant Indicatif Erirece

Les cognes do Durant Indicatif Erirece do viebe «esse», c' est :

• dj’ esteu (dj’ esteû, dj’ estë, dj’ estè, dj’ estû, dj’ asto, dj’ asté, djè steu)
• vos estîz (vous astîz, vos stîz)
• t’ esteus, il esteut : minmès cawetes sicrîtes avou on -S ou on -T.

Cognes do codjowoe

• pr.  : so, es, est, estans, estoz, sont ~ sont
• er.  : esta (ou fouri), estas (ou fouris), esta (ou fourit), estîs (ou fourîs), estîz (ou fourîz), estît (ou fourît)
• er.d.: esteu, esteus, esteut, esténs, estîz, estént
• fut. : serè, serès, serè, serans, seroz, seront -- seress
• cond.: sereu, sereus, sereut, seréns, serîz, serént
• su.pr: soeye (ou fouxhe*), soeyes (ou fouxhes*), soeye (fouxhe*), soeyanxhe (ou fouxhanxhe), soeyoxhe (ou fouxhoxhe), soeyexhe (ou fouxhehe**) ~ soeynuxhe** (ou fouxhnuxhe)
• su.d.: fouxhe* (ou estaxhe ou fourixhe), fouxhes* (ou estaxhes ou fourixhes), fouxhe* (ou estaxhe ou fourixhe), fouxhénxhe (ou estaxhénxhe), fouxhîxhe (ou estaxhîxhe), fouxhénxhe (ou estaxhénxhe)
• imper: soeye (ou fouxhe), soeyans (ou fouxhans), soeyoz (ou fouxhoz)
• part.: s(i)tî (ou s(i)tou), estant

(*) fouxhe, fouxhes, fouxhe s' eploynut pol suddjonctif prezintrece e walon do Mitan, eyet pol suddjonctif erirece e walon do Levant. (**) ces deus cognes n' egzistént motoit nén e 20inme sieke, mins on ls a rmetou po-z aveur les rîlêyes completes.

Dins les accints do walon

L' ALW 2 dene miersipepieuzmint les cognes coinreces po les codjowas respondant ås cognes francesses ki shuvèt:

• être: esse / «sey»
• été: stî / stou
• je suis: dji so
• nous sommes: nos estans
• vous êtes: vos estoz
• il sera: i serè
• j'étais: dj' esteu
• qu'il soit: k' i soeye / k' i fouxhe
• qu'il fût: k' il estaxhe / k' i fouxhe / (+ k' i fourixhe ^{(a-z aveuri)})

Viebes vijhéns

• resse

Hårdêye divintrinne

Codjowaedje awè

Hårdêye difoûtrinne

• Tåvlea d' codjowaedje (sol Wiccionaire walon)
• Dierinne bate di dvizes (so "Berdelaedjes")